تأثير الأسبوع الأول في حياة طالب ’’’

[ζちDr.Ho0osamζち]

* السلام عليكم ورحمة الله وبركاته .. أما بعد :

طبعا موضوع جدير بالذكر وإن شاء الله يعجبكم ..
حبيت انشر لكم الخبر السعيد بعد اول دراسة لهذا العلم {كلها كم يوم دراسه} راح يتم توزيع كتابي الجديد في دور النشر ..


أكيد راح يكون هذا الكتاب كبحث لي راح آخذ من خلاله شهادة الدكتوراهـ ( طبعا ساحب على الماجستير ) وانتم تكونوا لسى سنة ثالثة ولا رابعة ..


والسبب في نشر الكتاب هي الأزمة الغير طبيعية يعني طلاب الطب والعلوم الطبية بعضهم أخذوا محاضرة واثنين وبعضهم ما اخذوا شي واحنا من 8 الين 2 أو 3 ليش ياابوية ايش احنا ؟؟
لدرجة اني متأكد لو أحد فك دماغي يلاقي كربون يطيح لأنه مليان هيدروجين ومركبات ثانية .. >> الله يخارجنااا <<

الهدف من المادة مطابقة اللي نتعلمه على حياتنا العملية ,,
وراح يكون اسم المادة ..

Pharmacy Application By Dr.Hosam

في الـ Section حق الـ Organic راح ناخذ مثال على كيفية ترابط طلاب الكلاس ( ذرات الهيدروجين ) حول الـ Leader ( ذرة الكربون ) وذلك لمد يد العون له (Covalent Bond ) عن طريق توزيع بعض المهام ( Share electrons ) وهذا كله لمساعدة بعضنا البعض ( للوصول لحالة الاستقرار ) .. <<< يلعن أم الهسترة >>>

في الـ Section حق الـ Biochemistry سيتناول وجبة علمية دسمه تدور حولنا احنا حقين الصيدلة بالقسمين ( Amino acids ) وترابطنا بتبادل الشيتات وأوراق الاسئلة ( Peptide Covalent ) واللي تكون إن شاء الله من عندنا " مررة مستعجل " وهذا كله بالتأكيد عشان نكون دفعة مثالية وبهدف سامي {هدف سامي ولا ماجد } " أقول لاااااااا يكثر " واللي هو الرقي بهذا البلد وهذا التخصص لنكون قدوة للآخرين ( تكوين البروتين ) >> شوف مين قدوة خخخخخخخ >>



في الـ Section حق الـ Physiology احنا الـ ( Scientist) حنشوف بعض كـ ( أعضاء ) ونعرف الوظائف لهذا العضو ( هل تفكيره ليبرالي ولا علماني ) وهذا الجزء مهم طبعا لانه في ناس من اول نظرة تقول له { الله يكفينا شرك }
والبعض مسوي ثقيل ومخه ثقيل ( أمعاء غليظة ) .. لا والتفكير جدا سيء وحالته مستعصية ( كأنه بلعوم مسدود بالدورق حق المعمل ) " مرض من كيسي هع هع "



أما الـ Section حق الـ Analytic Chemistry طبعاً عصرت مخي عشان أطلع بحاجة مفلسعة زي اللي راح بس للأسف الافيس انو ما لقيت شي في الذاكرة أقدر أقوله ( شكل الذاكرة تجاري " استغفر الله " ) بس كأنه كان يتكلم عن ياسر عرفات وكيف مات .. الخ .

أما الـ Pharmaceutics فما أخنا شي نطبق عليه ان انه البروفيسور حق المادة حاط على وضع ( غير متصل ) مافي الا قوة محشاااات بدايةً من جوالي لمن دق قام الأخ (الدكتور) أخذ فرصته وقعد يقول ان iPhone الجديد مساحته اكبر وفيه خصائص حلوة بس لسى ما نزل في السعودية طبعا في نفسي قلت ( ايش اسويلك ؟؟ ) بس وشويتين ويلف على اللي جنبي قال له من وين اشتريت الجنز من جيوردانو ؟؟ قال لا من Samwel & Kevin قام انحرج الدكتور لانه يحسب نفسه صح قام ساقها وغير الهرجه قال للطالب : صح لازم يكون فيه ثقة بين الزبون والمحل زي الثقه بين المريض والصيدلي << صراحة تصريفة حقت ناس فاهمين >> وبان على راسه علامات التعجب والاستفهام وممنوع التدخين ( او ممنوع الوقوف) لاني ما اتذكر ..

بس مع هذا كله والله انه احسن دكتور حتى الان ودمه شرباااااااااات ( قلبت مصري !! )

طبعا معليش اني اخذت من وقتكم الثمين دقايق كانت تستحق انكم تستفيدوا تفيدوا وانتم قاعدين تقولوا ايش يبغا هذا قاعد ينكت على راسنا " المهم لا يكثر " ..
بس حبينا نشاركـ في الافكار البدائية اللي تكونت عندنا في سنة اولى وعقبال سادسة {بدري علينا }
بس الدنيا طفش وقلنا نضيف موضوع مختلف وبعيد عن الرسميات ..

أكيد راح ألاقي في الكومنت كلمات راح أتحملها زي ( الله لا يبلانا ) ( لا تسوي مضحكـ ) .. الخ
تحيااااااااااااااااااااااااااتي ،،،