خطة أ طالبات ... ايش صار اليوم ؟

[فرحة]

حكتب بالاحمر وبالبنط العريض زي ما يقولو عشان الكل ينتبه
لو سمحتو الله يسعد كل طالبه حضرت الدوره يارب
ابغاكم تساعدوني انا والبنات الي مو قادرين نحضر ياريت تكتبولنا كل شي بالتفصيل
ياريت تزورو موضوعي هو موضو مثبت بعنوان " ما حصل في الدوره التأهيليه للطالبات لعام 1430 هـ "
ياريت ترسلولي على الخاص تشاركوني تكتبولي ايش صار معاكم
بخصوص البنات الي يقولو انو ما في شي محذوف نتظرو اكيد راح ينحذف شي
لانو انا مايا كتب اخواتي وكتاب لصديقتي وكلهم كنو انتساب وفيه من جد في اخر الكتب اشياء محذوفه كتاب صديقتي العربي حق اسنه الي فاتت محذوف اخر باب كلو كامل
وهي درست العام يعني اكيد بيحذفولكم بعدين كل ما اكلمها تقلي اكتبي في المنتدي اكدي على البنات انهم يكتبو كل بنت تكتب المهم الي الاستاذه قالت انو مهم لانو الاسئله موحده وكل استاذه لها الحق بوضع عشرة فقرات فقط الي ان يكتمل نمذج الاختبار ويصبح مئه سؤال
وعشان كدا تلاقي الاستاذه تقول عن شي مهم اكيد ناويه انها تجيبو
هادا من جد الي قالتلي هو صحبتي وهي زي ما قلتلكم درست العام الماضي هي الان المستوي الثالث ادعولها
عموماً انا ابغا اطلب منكم انكم ما تنسونا وتفكرو فينا
وتزودونا بكل شي ركزت عليه الاستاذه لاني وضحتلكم دحين السبب
واي شي انحذف قولولنا عنه
وياريت رجاء حار لكم لكل بنت شاركت هنا تدخلو على موضوعي وتشاركوني فيه
انا كاتبه اني ابغا اي طالبة ما تكتب الا على الخاص ترسلي كل شي صار معاها في الدوره لكن على الخاص
بعدها انا راح ارتب كل شي ارسلولي هو البنات وافصل كل ماده لوحدها ودا كلو لمصلحة الموضوع والطابات عشان يصير الموضوع مرتب وسهل
وطبعا ما راح انسي اني اكتب اسماء الطابات الي ارسلولي على الخاص التقارير حقتهم عن الدوره
عشان في النهايه راح اقدملهم شكر خاص في موضوع منفصل
لانو قليل جدا الي صارو يفكرو بغيرهم
قليل الي يحبو يساعدو غيرهم
اتمني منك انكم تتجاوبو معايا انتظر رسائل منكم تبرد قلبي وقلوب البنات الي في الطائف والرياض وغيروو
عشان الحق انزل الي حترسلولي هو يوم الجمعه او السبت اقصى شي
انا فيه ثلاث بنات وعدوني انهم يوم الخميس يرتاحو من الجامعه ويرسلولي على الخاص كل شي
ادعو انو السنه كمان يحذفولنا اشياء
لانو انا لما مسكت كتاب صحبتي حق العربي لقيت من جد اخر باب كلو حذف