الله يقطعك يامهارات التفكير انت والاتصال , جبتولي المرض

[فايز الصقري]

مراحب .. خذ العلم الوكاد

أتفـــه مادتين (الاتصال ومهارات التفكير) على مستوى 8 فصول قادمه
ولافيها اي طريقه للمذاكره .. وكل مافي الأمر وببساطه (قراءه) فقط .. لأنها ممتعه وممتعه جداً

عارف .. والله إني بادي بالقراءه 10 بالليل واختباري 3 العصر .. أقسم بالله مافتحت المادتين إلا ليلة الإختبار

وقراءة فقط جبت بالثنتين 89 من 100 .. ولو كان فيه وقت للقراءه اكثر يعني لو قاريها ثلاث مرات بجيب فوق 95

نصيحتي لك إقرأها ثلاث مرات فقط .. وراح تلاحظ انه شيء تافه ولايحتاج للكثير من الوقت واكبر خطأ إنك تحاول تحفظ بالنص .. هذي مادتين للقراءه فقط .. وأعيد وأكرر أتفــه مادتين ممكن تواجهك خلال مسيرتك بالجامعه ..

في حالة إنك تجد صعوبه أو خلنا نقول ماعديت هالمدتين فانت أمام حلين .. الأول . إنك تسمع نصيحتي وتجلس بالبيت والحل الثاني .. إنك ماتحاول تعلم أحد إنك دخلت الجامعه وفصلت .. في حالة إنك تجلس بالبيت فأنت أمام حلين .. إما أنك تستمر في مستواك التعليمي كما هو أو إنك تحاول ماتقرأ حتى جريده .. في حالة إنك إخترت ماتستمر في مستواك التعليمي فأنت امام حلين .. التقديم على الضمان الإجتماعي أو تقديم براءة ذمه فإذا قدمت على الضمان الإجتماعي فأنت أمام حلين ياأنك تعرف أحد يضبط وضعك أو تقدم على أمل أنهم يوافقون في حالة أنهم وافقوا فأنت امام حلين إما إنهم يسوون لك مقابله أو يشكلون لجنه لتقصي عن وضعك .. وفي حالة أنهم سووا لك مقابله فأنت أمام حلين إما أنك تقول لهم انك كنت جامعي وإما أنك تخبي عليهم في حال إنك قلت لهم أنك جامعي وفصلت فأنت أمام حلين إما أن يسألونك عن مهارات التفكير أو يسألونك عن الإتصال ؟؟؟ ووقتها وش بتقول ؟؟؟

لذا انا أقول شد حيلك وحط في بالك إنك تقرأ قصــــه وأعجبتك هالقصــه وحاب تقراها مره ثانيه !! هذا كل شيء بإختصار .

مع تمنياتي لك بالتوفيق انت وبقية طلاب السنه التحضيريه ..

كلمة خاصه لكافة الطلاب / والله إن السنه التحضيريه أي كلام والله ..

والسلام عليكم ورحمة الله وبركاته ..