هـــــل الطيبه والحنيه ( تعيب الرجل ) ؟؟؟

[Life as Game]

الحنية ابد ماهي عيب وفي بينها وبين ضعف الشخصية فرق كبيييييييير
ضعف الشخصية ان الغير يملي عليك ما يريد ان تفعله مثلا
الحنية ان يرق قلبك لشيء ضعيف اولا ترضاه لنفسك مثلا..

زي مرة كنا نتمشى انا وتلاتة من اخوياي ..وتعرفون لفلفة وكدا ..وكنا مارين بالصدفة من عند مول ...قلنا راح ناخد لفة في المواقف ونطلع...ولما جينا ندخل بالصدفة كان ما خد جزء كبير من المدخل سيارة عطلانة جمس..
يعني بالقوة ندخل بالسيارة وبشويش لا نحك السيارة التانية..
الموهيم لما صرنا بجنب راعي الجمس قال ياشباب نبغى فزعة اشتراك لان السيارة طفيت ..
اللي كان يسوق واحد من اخوياي وانا كنت ورى فقلت ايوه عندنا اشتراك ..لان السيارة لي وكان عندي اشتراك في الشنطة..الموهيم لما تعديناه سحب عليه خويي السواق..
انا اقول لخويي ياهو اشبك ليش طنشت الرجال قال ياهو بيخرب طلعتنا خلينا نكمل بس ..
واصلا الكامري ما تقدر تشحن بطارية جمس بس اهجد ..<<عاد انا مقهور لاني قبل الكامري كنت بشتري لكزس بس صار شي وخرب علي ولين دحين مقهور ..
فقلت مادام السالفة كدا والله لنرجع ونشحن وطول الطريق وهو يقول يا ابن الناس الكامري ما تقدر..
قلت بنرجع بنرجع..
قال طيب خلاص تراك ازعجتني...ورجعنا لراعي الجمس ولما وصلنا كمل الناقص وقال ما اتوقع الكامري تشحن ..<<عاد هنا حقد من جد قلت الاشتراك في الشنطة ولا تكتر كلام انت واياه...
وقفنا المدخل بالكامل ..وووو من اول دعسة للكامري اشتغل الجمس ..قلت ايوه كدا قلت لكم لكزس بس متنكرة ..ومشينا من هناك بعد شكر منهم ووو طول الطريق اخوياي ..يقولوا خلاص ارتحت دحين ..وانا اقول اكيييييييييد

اللي خلاني اسوي كدا لاني شفت ناس كتير يمروا من جنبو ومو راضيين يوقفوا يساعدوه..

^^
هادي كمان حنية خخخ

المشاركة الأصلية كتبت بواسطة ( أميرك ياخادمي) لو كنت مكاني ماذا ياترى تفعل ؟؟ وهل معي الحق ام لا فتاة تتلقى الضرب والتهزئ من أخوها في مجمع تجاري وأمام مرأى ومسمع الناس وذلك بسبب حركات من الشاب تجاة الفتاة وتبادر إلى ذهن الاخ أن الاخت هي من سمحت للنفسها بتبادل تلك الحركات والتصرفات وطمع ذلك الشاب وأخذ بإصدار تصرفات صبيانيه أمام أخو البنت وقام الاخ بصفع أخته وضربها ... أخوكمـــ

ايش دا كيف يضرب اخته؟؟

والله العظيم لو فيه خير كان راح ودعس وجه الولد اللي قرب منها؟؟
كيييف انا مو فاهم ؟؟
حتى لو اخته غلطانه المفروض يطلعها قدام الناس مظلومة ويتفاهم معاها في البيت..
ويطلع عضلاته على الولد..
والله ما عنده غيرة من جد..
الله لا يبلانا..

عالعموم انا اعتبر الحنية صفة من صفات الرجولة ...

مشكووور اخ اميرك ياخادمي على هيك موضوع..