أين المسؤولين من تربية فتيات الجامعات ؟!

[روووني]

المشاركة الأصلية كتبت بواسطة يآرب مآخآب من ترجآك دايما الطرح ع الكتف يمكن تحتاجي نظاره

لا ياعمري صراحه انتي اللي محتاجه نظاره وكبيره كمان ليا سنتين انا كمان وعمري ماشفت وحده حاطه الطرحه على كتفها اللي مره يعني فاسخه الحياه حاطه الطرحه على شعرها كدا عادي من غير ماتلفها هدا اقصى شي شفتو

وبالنسبه لدخل بنات الانتساب انا اقولك احيانا تكون اختباراتي من 3-4 واشوف من بنات الانتساب طبعا مو كلهم عجب عجاب واشوف الطرح على الكتف والعبايه مفتوحه وكل الي استغفر الله العظيم

ومو عشان قلت بنات انتساب يعني قصدي عليكي واصلا انا مااعرفكي!!!

بالعقل يعني لو احد قال بنت انتظام حقول ايش دخلهم ولا حقول قصدها عليا !!!لاطبعا مو معقول

وحتى بايو كيميائيه قالت انو الفئه دي تشوفها الساعه 5 وطبعا في الغالب الساعه 5 مين يكون في الجامعه؟؟؟؟ الغالبيه انتساب

وحتى انتي بنفسك قلتي انك شفتيهم وانتي انتساب واحنا انتظام وماشفناهم معناتو انهم زيك انتساب <<يعني سألتي ايش دخلهم بنات الانتساب وجاوبتي على نفسك

يعني انا وانتي وبايو كيميائيه معنى كلامنا يدل على انهم انتساب<<مو قصدي انو بنات الانتظام محترمات والانتساب مو محترمات لا انا قصدي انو غالبيتهم انتساب الانتظام انا عمري ماشفت وحده كدا حاطه الطرحه على كتفها ولانو حرام اظلمهم
وياصاحبه الموضوع:
مسأله غطا الوجه مختلف عليها جدا جدا وعلماء احسن مننا بمراااحل واصلا مايتقارنو بينا اباحوها
حنجي احنا نحرمها صح معاكم حق انو على الاقل لاتحط فل مايك اب تراعي الرجال اللي برا
بس عموما كشف الوجه اجازتو كل المذاهب ماعدا المذهب الحنبلي ويمكن تكون دي البنت مو من المذهب الحنبلي وبصراحه انتي مباااااااااااالغه جدا جدا جدا واللي يقرا الموضوع حيحسب اننا في
مرقص ولابار مو بيئه تعليميه وازا على الدكتورات الاجنبيات هما اصلا عندهم عادي كشف الوجه
وصح انهم في بلدنا لكن هدي عاداتهم زي مواغلب السعوديين عندنا عادتهم لمن يسافروا من الطياره يشلحوا العبايه بأبوها كأنو ربي في السعوديه بس برا لا !!على الاقل غالبيتهم محترمين البلد ومغطيين شعرهم مو زي بعض اللي عندنا يروحو فاسخين مره واحده<<<صح اني دخلت في موضوع تاني بس غصبا عني لأنو انتي اللي اتكلمتي على الاستازات والدكتورات وهم اصلا اجنبيات

وبصراحه الاولى بدل مانغتابهم في منتدى جامعي تدخلوالناس المثقفه اننا نوعيهم اما بتوزيع منشورات او تكلمي اداره الجامعه تسويلهم محاضرات ودورات وحاجات مفيده لانو قسم الحوار سار كلو عن اخلاقيات بنات الجامعه السيئه ماشفت احد حاط موضوع عن الاخلاقيات الطيبه والاشياء المفيده الانادرا وبعدين ربي ساترهم نجي احنا نكشف سترو ونفضحهم ترا حرام وماسارت واللي تصور صاحبتها هيا حره يمكن صاحبتها قالتلها صوريني بجوالي!!ويمكن تكون قريبتها ودوبهم مسجلين في الجامعه وفرحانين يبغوا يصورو نفسهم في اول يوم عشان يفتكرو اول يوم لهم في الجامعه؟؟مو كل شي تدخلو في الدين وتحرموه الدين اسمى من كدا واعلى ويترفع عن دي الاشياء الصغيره زي التصوير اللي انتي على طول شكيتي في البنت بنيه سيئه جدا بدون ماتعرفيها وان بعض الظن اثم يعني ظنك فيها اخس من عملها هيا من وجهه نظري!! وحتى عنوان الموضوع اين المسؤلين من تربيه فتيات الجامعه صراحه عنوان يدل على اننا نمشي على اربعه ومحتاجين احد يربينا ويدجنا كان كتبتي اين المسؤولين من توعيه فتيات الجامعه ولا اي حاجه تناسب منتدى جامعي ولا اللي يقول مجتمع مهجن وكلام مدري من اي بيئه جايبوهدا لو برد عليه حكتب عريضه مو رد على موضوع بس انو كلمتو دي ماتهم مره قد الغايه من موضوعك اللي ماعرفتي توصليها بصوره حلوه وترضي جميع الاطراف لو كان موضوعك باسلوب غير كداواسلوب توعوي اكتر من ماانو هجومي ومالو فايده كان صدقيني اتعاونا معاكي وسوينا موضوعات وتواقيع وحملات زي حمله حياتي بلا اغاني لها اسمى المعاني وكان سوينالها اعلان في راس المنتدى
بس انتي اسلوبك صراحه مش ولابد واسفه ازا كنت طولت في الكلام وزعلتك بس انا هدا رأيي في الموضوع

والله يهديهم ويهدينا كلنا يااارب