حملة (خلونا نعدي) من طلاب المسار الاداري ضد قرار حرماننا من كلية الاقتصاد والادارة

[الجنرال كاسيوس]

يعطيكم العافية يا اخوان
بالنسبة للاوراق حنتجمع كلنا قدام مبنى 73 يوم السبت الساعة 9 وحتتوزع عليكم الاوراق عند الباب الجانبي وبعد ما تتوقع نتوجه كلنا لعميد الجامعة الساعة 10 عشان نشوف حل معاه ونكلمه بخصوص هالقرار. واذا اعطانا حل مقنع(دققوا على مقنع) نعتبر ان المشكلة محلولة واذا ما أعطانا حل بأخذ هذه الاوراق انا والشباب اللى معاي ونرفقها بخطاب شكوى خطيرة ونسلمه لرئيس ديوان المظالم شخصيا وحنكون على تواصل معاكم عبر المنتدى ونبلغكم بأخر المستجدات.
بس اللي ابغاه منكم انه كل واحد يشجع اكبر عدد من الزملاء للتواجد امام مبنى 73 حتى يكون للتجمع اكبر مدى من التأثير.

ملاحظة ثانية: نبغى بهالتجمع انه مو نحل مشكلة القرار الجديد وبس نبغى نحل كمان مشكلة كل واحد اخذ dnبالانجليزي كمان . يعني نبغى بهالتجمع نحل كل المشكلات اللي نعانيها بهالسنة التحضيره يعني يا اخوان نبغى نوقف وقفة رجل واحد.
وشكرا


بالنسبة للأخ انتحاري حتصل بيك بكرة ان شاء اللهِ