آيـس كـريمـ الجـالكسي بالإضافة إلى صور الدجـاج

[بيو كيميائية ^_^]

الـسـلامـ عليـكمـ ورحـمة الله وبركاتة

أمـس عمـلت الفطـور كله وعمـلت الدجـاج وصـورته وطلعت مرة لذيذة ولله الحمـد

وهـذهـِ صورة الدجـاج




والمقادير في هـذا الرابـط

دجـاج داخـل الفـرن


نـرجع الحين للمـوضوع

عمـلت أمس آيس كريمـ الجالكسي ومرة رهيبة طلعت

وعملها جدًا بسيط وماتاخذ وقت وخفيفة بعد

المقادير

2 دريمـ ويب

2 كريم كراميل

2 قشطة

3 حليب أبو قوس (مو شرط أبو قوس اللي عندكمـ )

1 جالكسي أنا ماأحط واحد أحط أكثر 3 عشان يبان أكثر وساعات أربعه على حسب حجمه

وتحطيهمـ في الخلاط وتخلينهم بنخلطون لين مايصير متجانس

بعـدين تـاخذين صينيه وبسكوت الشاي وحليب

تغمسي البسكوت في الحليب بس مو تخلينه يسبح بعدين يتكسر

وتصفينهم في الصينية

وبعدين تصبي اللي في الخلاط فوقه بس مو كله لين مايتغطى البسكوت

بعدين تاخذين البسكوت وتغمسيه في الحليب وتصفينه

بعدين تصبي اللي في الخلاط وبعدين تصفي فوقه البسكوت

وبعدين تصبيه كله اللي في الخلاط وتحطيه في الفريز

وبعد فترة ساعتين تعملي الكريمة

للي مايعرف كيف يسون الكريمة

ثلاثة جبن كيري +2 قشطة +3 دريم ويب +فانيلا ملعقة صغيرة+حليب شوي

وينخلطون لين ماتستوي

وبعد ماتحطون الكريمة تخلونها في الفريز عشانها آيس كريم

والتزين براحتك اللي تبينه أنا حطيت صلصة شوكلاته وتوفي

وهذهِ صورة الحلى





وهـذهـِ صورة الفطـاير اللي عمـلتها




ونسيت ماصورت التبولة

طبعًا شرحي عـامي أسهـل

وبالعافية عليكمـ