فرصه جديده

[Karella]

سلام عليكم جميعا و عذرا علي التأخير في الرد بس عارفين كيف الواحد ينشغل في رمضان
اولا برمامج ماهر موبس لكليه ابن سينا والبترجي فقط بل يدعم كليات اخري و تلاقو معلومات اكتر عن الكليات اللي تدعموا و عن هادا البرنامج في هادا الرابط http://news.hrdf.org.sa/overview/Home.aspx
اختارو الكليه اللي تناسبكم و روحو للكليه نفسها و اسألو عن منحه صندوق تنميه الموارد البشريه برنامج ماهر 12\12 و هما يفيدوكم . السنه اللي فاتت لمن حطوني علوم جاني انهايار عصبي و نفسي و اخواني من ابويا اللي يدرسوا في ابن سينا قالولي عن هادي المنحه ورحت الكليه و جربت حظي و أنقبلت الحمد لله . اذا تبو تقدموا عليه انصحكم انو ما تسحبوا ملفكم بسرعه إلا لمن تضمنو انو خلاص متسجلين في الكليه الجديده ولمن يطلبو شهاده الثانويه اثناء التسجيل تقدرو تستعيرو الشهادة من الجامعه عشان تودوها للكليه الجديده و لمن تضمنوا مكانكم خلاص اسحبو ملفكم من هادي الجامعه .و هما يقبلو عدد محدود فسارعوا و اذا امتلئ ممكن يضعوكم في قائمه الانتظار .بس اهتموا بالشروط اللي قلتها في البدايه .
و اولا استخيروا ربنا و بالتوفيق للجميع