الى الرافضين لفكرة دخول المرأة لمجال الطب

[soma al7elwa]

المشاركة الأصلية كتبت بواسطة المسلم العربي مرحباً أخت أسماء وكل عام وأنتم بخير.. وانت بخير وصحة وسلامة يارب .. سؤال سفسطائي.. كثير من الذين يقرأون كتابتك يقرأون الصحف المطبوعة والإلكترونية يجدون سؤالك جدلي وغير واقعي ولا مقارنة بين حالات الإبتزاز التي تحصل بين الرجال والنساء وبين تلك التي تحصل فيما بين النساء. يعني نسبة ضئيلة جداً والجميع يعلمون أن أهداف الإبتزاز تكون جنسية ومادية والمرأة العاملة في ظروف بلادنا غالباً لا تجد من تثق به أو من يعينها إن حصل لها شئ من هذا القبيل لا قدر الله. أول حاجة : على أي اساس حكمت بأنها "نسبة ضئيلة جدا"؟؟؟ تاني حاجة : بالفعل عذر اقبح من ذنب .. يعني أنا عايشة فبلد مايقدر يوفرلي ابسط حقوق الأمان لو احد اتعرضلي بتهديد ؟؟؟ مثل سابقه, ولكن أجيب بما علمني ربي. الشارع تحصل فيه مثل هذه الأمور بلا شك, والشارع جل في علاه يأمرك ويأمر أمهاتنا وأخواتنا حتى قيام الساعة: {وقرن في بيوتكن ولا تبرجن تبرج الجاهلية الأولي } يعني كلما طال بقاء النساء في بيتهن آمنات مطمأنات كلما قلت نسبة الخروج إلى الشارع وبالتالي تقل نسبة التعرض لمثل ما ذكرتي من المواقف السيئة. بخلاف تلك التي تتسكع في الشوارع بعذر شرعي وبدونه وبحاجة وبغير حاجة فهذه أكثر عرضة للمشاكل حفظ الله أخواتنا في كل ماكن. طيب خلينا نشوف كم وحدة تخرج من بيتها كل يوم انا وحدة بدرس .. يعني كلل يوم لازم انزل اروح الجامعة أو المدرسة .. طبعا كل فترة والتانية لازم اروح المكتبة اجيب وفي الي تشتغل .. يعني كل يوم برضو تنزل لدوامها وفي الي تروح تجيب اولادها من المدارس القريبة من البيت .. وفي اللي تروح السوبرماركت تقضي لبيتها وفي اللي تروح السوق تقضي لنفسها ولاولادها .. وفي اللي خارجة تغير جو مع اهلها .. وفي اللي تروح تزور اهلها.. وفي الي نازلة تزور جيرانها .. يعني برأيك كم مرة حاضطر اخرج من البيت في الشهر ؟ مرة ؟؟ مرتين ؟؟ تلاتة ؟ وفكل مرة انا بعرض نفسي لخطر انو جوالي يتسرق أو انو شنطتي تتسرق أو اني كلي اتسرق وأيش يضمن لك أنو والدك الله يحفظه ما يفقع وجيههم ويوريهم أن الله حق؟ لو خرجت الوحدة لوحدها احتمال أنهم يشيلوها بدون مقاومة من محرمها وبدون وجود دفاع عنها وهذا يزيد من احتمال هذه المشاكل. ثم أن هذه المشاكل قليلة جداً في بلادنا وإن وجدت وواضح أن إيرادك لها للجدال. هههههههههههههههههههه .. الله يخليلي هو يارب .. بس على فكرة والدي ماهو بروسلي .. لو خرجت الوحدة مع محرمها مو ممكن يجوا مجموعة شباب ويكفخوه وياخدوها ؟؟ بنت الطايف والضجة اللي عملتها ماكانت مع رجال طول بعرض واغتصبوها واغتصبوه هو كمان ؟؟؟ ايرادي لها ليس للجدال ياعزيزي .. ايرادي لها لنفس السبب اللي جالس بيأوله العزيز هاي كلاس وأبو عبدالله "مين حيكفيها شر الزملاء الوحوش الاشرار ؟؟" ومين حيكفيني شر الاشرار في كلللل مكان حتى وانا فبيتي أو مع اهلي؟؟ وبرضو "قليلة جدا" على أي اساس؟؟ على اساس وكالة "يقولون" للأنباء ؟ سؤال جدلي خارج عن الموضوع. زي موضوع الإختلاط في العمل, نأخذ بالأسباب ونرسلهم مستودعينهم الله عز وجل ومؤمنين بقضائه وقدره فالتعليم ضرورة للأولاد والبنات ومن المهم إيجاد البيئة الآمنة والمناسبة لتعليمهم تماماً مثلما يجب إيجاد البيئة الآمنة والمناسبة الخالية من التحرشات وجميع المخاطر لأخواتنا العفيفات المضطرات للعمل في بلادنا. تمت إجابته. مين قال انو خارج من الموضوع؟؟ دحين حكمنا على بيئة المستشفى انها كوووووولها غلط عشان القصة دي ؟ وكوووول الزملاء هما وحوش اشرار وكل همهم الجنس والتحرش ؟؟ ماهو ياااااما في مدرسين ومدرسات وفراشين وفراشات وحراس مدارس اتحرشوا بطلاب وطالبات أن شخصيا اعرف طفل من قرايبي عمره 8 سنوات اتحرش فيه احد منسوبي المدرسة .. ومع كدا ماقد قلنا انو بيئة المدرسة كلللها غلط .. ترى التحرش مايحتاج بيئة كاملة عشان تتم فيه العملية .. يكفي وجود شخص واحد مختل وضحية عشان يتم .. سؤال جدلي بإمتياز. أطلب من الأخوات الفاضلات أن يفيدونا مشكورين بكم مرة في تاريخ البلاد حصل شئ من هذا؟ طيب .. هل أنا ادخل ضمن الأخوات الفاضلات هؤلاء؟ راح اتكلم عن قصة صارت مع والدي قبل مايقارب ال4 سنوات كنت اعيش فالشرقية بحكم عمل والدي .. وكنا في حي هادي مع جيران طيبين .. وجمبنا في سوبرماركت بنده .. وكان من المعتاد انو نخرج ويخرجوا جاراتنا في الحي يجيبوا اللي ناقصهم من من مقاضي البيت من بنده مشي .. وفمرة من المرات والدي كان راجع من مشوار .. لقى وحدة من جاراتنا مع اهلها ماشية فالشارع ومعاها اكياس المقاضي .. وجات سيارة فتحت الباب وصارت تحاول تجرها لجوا السيارة .. ولولا انو ربنا كتب انو يتواجد والدي فالمكان كانت البنت راحت فيها .. واللي يصير مرة .. يصير مليون مرا .. وبرضو احنا عايشين فبلد مافي اي مصداقية .. ولا توجد أي احصائيات حقيقية فالقضايا الي زي كدا يعني الأخوات الفاضلات راح يجوا يتكلموا برضو نيابة "وكالة يقولون للأنباء" يعني عشان ماقد "سمعت" عن أحد صارله كدا هذا يعني انو ماراح يصيرلي أو يصير لأي احد تاني ؟ أحسني إليهم ولا تكوني معهم العداوات وقدمي لهم الكتبيبات والمطويات والمصحف بترجمة التفسير إلى لغتهم, وإن لم يكن مسلمات فهذا مجال للدعوة. ياسيدي الخادمات مو كلهم يتقبلوا منك الطيبة .. وبعضهم مزروع فنفسهم الحقد دا بسبب خبرات سابقة .. ولعلمك معظم الساحرات الاندنوسيات يجوا بصفتهم مسلمات .. وليس مسيحيات .. محد ينكر المعاملة الطيبة لها دور كبير .. لكن ياما ناس طيبة واتسحرت واتبهدلت .. استغلالا لطيبتهم .. أو تغطية لمصايب تانية من الخادمات لا تكوني ساكنة في السبيل والا في المحجر فوكس موفيز وmbc2 تعمل العجب في توسيع الخيال. الشر موجود في أماكن أكثر من غيرها, في مناطق في جدة صعب على الشرطة والمباحث حتى دخولها من كثر الجرائم والعصابات فيها. يعني كلامك هذا مو قانون نيوتن ههههههههههههههههههههه .. في كل مكان ممكن يجي أحد يطب عليك يسرق بيتك .. سواء كنت فالبساتين والتحلية أو فالكندرة مع اختلاف النسب طبعا وزي ماقلت أول البوينت هنا .. انو لو حتجلس تفكر فيها كل مصيبة ممكن تصيرلي فأي مكان الواحد كل الي عليه انو يحذر وياخد احتياطاته و يتوكل على الله .. يعني من الأساس المفترض البنت ماتخرج من بيتها وهي حاطة في جوالها صور لها .. أو على الأقل تحطها في مموري كارد ولما تخرج لمكان عام تخرجها وإن اصرت تخليه معلق فرقبتها ولا فجيبها وتنتبهله .. تخرج بحجابها بدون زينة .. تعرف كيف وبأي اسلوب تتحدث مع زملائها أو المرضى .. باختصار كما قال دكتور طارق حبيب "على المرأة أن تكون سفورية بعقلها متحجبة بعاطفتها" المهم, تجمع الرجال والنساء في مكان واحد بشكل يومي بالإضافة إلى مخالفات كثيرة في الأزياء.. اححححححم أقصد الحجاب الشرعي فالمتوقع سيرى أفراد هذا التجمع شر عظيم وأنواع من الفساد والمظاهر سيئة يستنكرها أهل الإيمان ويتغاضى عنها وربما ينغمس فيها ويدعو إليها أهل الزيغ والعصيان. ومن هذه المظاهر التفسخ من الحجاب وذهاب الحياء والعلاقات المحرمة والإبتزاز العاطفي والإبتزاز الجنسي والمادي إلخ.. ممكن يتحط قانون وويجبر الجميع على تطبيقه .. الحجاب مثلا شوف مستشفى فتيحي .. يوني فورم لكل الموظفات وممنوع المكياج -ومع كدا الا ماتلاقي كحلة ولاقلوس هنا ولاهناك - والطرحة ملفوفة مزبوط .. حتى لو ماكانت الموظفة متحجبة .. حتكون محتمشة .. وبشكل راقي حتى لو هي حاطة مكياج مرررا مو زي موظفات مغربي على سبيل المثال .. بعدين الموظفة ماهي ملزمة انها تتكلم مع زميلها بغير خد هات اتفضل ومناقشة في حدود العمل والسلام .. اي شي تاني غير كدا هما المسؤولين عنه مو الشغل .. وكل واحد وايمانه وتربيته .. بالاضافة الى قوانين العمل الصارمة .. وراح أموت وأعرف ليش دااااااااااااااايما حاطين في بالنا الموظفة ومو حاطين الموظف ؟؟ ليش حاطين فبالنا الدكتورة مو الدكتور؟ الممرضة مو الممرض؟ أتفق معك في شئ ما ولله الحمد .. الله أكبر.. الله يحفظ جميع أخواتنا العاملات في القطاع الصحي. بصراحة أنا أغبط الأخ أو الأخت اللي يحتسب الأجر في الإصلاح ودعوة المسلمين وغير المسلمين في هذا المجال الخصب.. مع التحية.. موفقة بإذن الله

آمين يارب .. للجميع ..