السكن الداخلي للطالبات ,, تحت المجهر ,,بكل واقعيه وموضوعيه,,

[Beeshoob]

السلام عليكم

سوري راح اطفشكم شويه

بس انا بدي اقدم للسكن لاني لسه ماقدمت << بدري

والله مو كسل بس صدموني وقالو لي انو مافي سكن لبنات مكه على اساس المسافه اقل من 100

بعدين صار انو في بنات من مكه في السكن وبدون واسطه

وللاسف الشديد صار مافي الا اني اجرب حظي يوم 10 / 10

حلو

المشكله هيا

انو انا نقلت حي بعيد على اطراف مكه ومافيه عمده لسه جديد قلت خلاص اخد من العمده اللي

في الحي اللي جنبنا ورقة تعريف طيب .. وانصدمت انو مافي عمده غير يوم 10 من جد انقهرت
الحل .؟؟؟؟
والمشكله التانيه انو الين دحين ماسويت كشف طبي يعني حتى لو رحت السبت مافي مستشفى حكومي راح يخلصني في
نفس الوقت او اليوم فهل ياترى الادراه الطبيه ترى بكشف من اهلي ولا لا

غير كدا

بابا يقولي هما يلعبو بيكي مره يقولو لك في ومره مافي روحي يوم 10 واتاكدي منهم وشوفي الاوراق اللي يبغوها

وشوفي ايش يردو لك بعدها نزبطها ونكلمهم

لانو انا خايفه انصدم كمان ومايقبلوني وربي عارفه نفسي دمووووع لانو صراحه مره مره مره احسو تعب رايحه من مكه لجده كل يوم وكمان باص

غير انو مابدي سكن خاص وحتى لو بدي يعني كلهم قالو لي اتملو

والله ماااااساااه دراااااميه حزينه

فــ يعني ياريت احد يقولي كلام يطمني << مو يبكش عليا

والله مره خايفه

بس من جد من جد اتمنى اشوف رد منطقي من ناس خبره

زي بنت جامعتي مثلا << ماتلمح لشي هع