دفعه 10 ادخلو افيدونا .< دفعه 11

[بسمهـ]

المشاركة الأصلية كتبت بواسطة sunset11 حبيباتي لاتشيلو هم السنه التحضيريه حلووة وسهله بس يبغالها تركيز وشد حيل بالنسبه للمذاكره اعتمدو عالكتب صدقوني الملخصات مو شامله كل المنهج .., بالنسبه لي بعد ماختمت الكتب نزلت من قسم الملخصات ( ملخص الانجلش جدا استفدت منه واغلب الاعضاء السنه اللي فاتت نزلوة وحفضو منه لان فيه ترجمة الكلمات والقطع وشرح القاعدات ) مهم .. والاختبار حق الانجلش كان اختياري بس لكيع << شوية بس :) اما بالنسبه للرياضيات والاحصاء لازم وضروري احد يشرح لكم اياها لاتفوتوها عالسنترا واللي يسألو نقدر نفهم من السنترا اقولهم ايوة بتفهمو .., صحيح بيكون الوقت مره مضغوط والاستاذه تشرح بسررعه بس المحاظرات بتكون مسجله واحنا كل ماصعب علينا حاجه او نسينا شرحه نفتح المحاظره المسجله ونفهمها من جديد ( واللي حابه تحضر مع الانتظام كمان بتستفيد) واختبار الاحصاء والرياضيات كان جدا سهل ومباشر الحمدلله . وبالنسبه للاتصال والتفكير لاتشيلو همها جدا جدا سهله اقروها وانتو مصحصحين بعد كل مره حتلاقي نفسك حفضتي الماده من كثر ماتقريها وعلى فكرة بعد ماتنتهي دوراتكم عالسنترا يعملو الاستاذات ساعات مكتبيه في الجامعه للي صعب عليها شي تجي تسألها افتكر غالبا كانت 3 ايام في الاسبوع ( فقط ساعتين ) وأي استفسار اسألو حبيباتي ترى احنا كنا مثلكم ندور حد يخدمنا ويفهمنا اللي مو فاهمينه .., وبالتوفيق لكم يارب :)

ياقلبي وربي ردك يريح البال الله يريح بالك
كويس انه دورات السنترا تكون مسجله انا كنت شايلها هما اخاف يوم توفتني
ولا الاتصال النت يكون بطئ بس الحمد لله طمنتيني
شوكران ...... ربي يوفقك يارب

بس عندي سوال الاحصاء والاتصال والتفكير اسئله الاختبار كيف تكون ^^
كلها اختياري ولا فيه سوال وجواب