التقرير اللي طلبو super linux وانتو كمان تعالو شوفو

[عـ,,,ـل]

السلام عليكم

كيفكم يااحلى اعضاء

ترى مره وحشني المنتدى ماسرت ادخل كتير زي اول

المهم هادا تقرير طلبو عاصم مني في اول اسبوع في دراستي الجديده

للي مو عارفين الطبخه (انا نزلت موضوع وكتبت في انو بادرس مختبرات في السعودي الالماني)

وطلب مني اكتب كيف كان اول اسبوع ليا

اول اسبوع ليا كان الاسبوع اللي فات

رحت السبت وجمعونا وفهمونا ايش نلبس والقوانين والحاجات دي وقالو نبدا دراسه يوم الاتنين

جينا يوم الاتنين ولطعونا وكملو اجراءات التسجيل وقالو يلا روحو بيوتكم

تعالو السبت

جينا السبت اللي هوا امس

وحطونا في كلاسات وبدانا في الجد والدراسه

عليا اول ترم انجليزي طبعا بس وحده ماده لكن الكرف الترم التاني في سبعه مواد حيكون

وندرس من الساعه تمنيه يلين الساعه اطناش

كل سااعه يعطونا بريك عشره دقايق مانلحق نخرج من الكلاس عشان نفطر او نسوي اي شي قيد خلص الوقت

بس مو مشكله كلو فدى الدراسه

وهناك قابلت كم وحده خرجو من الجامعه زيي وبيدرسو معايا

وبس هادا كل اللي حصل معايا

كنت متردده اكتبو لكن هادا كان طلب سوبر

واسفه طولتها عليكم