ضروري ضروري ضرووري بنات الاتصال شعبه ba

[Loveless]

أهلاً ياسمين.. إحنا برضو أستاذتنا طلبت نفس التكليف .. بس قبلها كانت طالبة تكليف مختلف و أسهل و أنا الحمدلله حليت الأسهل ثاني يوم و سلمته :)
مين أستاذتك ؟
فقالت لي يعني ما يحتاج أعمل الثاني اللي هو حق الإعلانات الغير مفهومة ..
أنا حأحاول أساعدك بكلام قالته أستاذتنا ..
قالت شوفو جرايد المبوبة .. الوسيلة .. الأسبوعية .. هادي اللي فيها أشياء بيع و شراء و قرقره كتير :)
تلاقي فيها بالهبل أخطاء إملائية هنود كاتبين إعلانات خاطئة و زي كده .. فإنتي قصيها و لصقيها أو ممكن تصوريها على الكوبي مشين و تكتبي عنها إنو يعني فين الغلط و مني فاكره بالزبط إيش كانت طالبة كمان الأستاذة .. بس اكيد انتي كاتبته :)
و ترا و الله مليان في الجرايد اللي قلتلك إسمها اللي كل يوم تجينا .. دوري عدل و حتلاقي فوق الـ 4 :)
و بس و الله قلتلك اللي أعرفه .. إن شاء الله أكون أفدتك ^^
و روحي ألحقي حليه عشان ترا مافي دوري أول لمهارات الإتصال بالتالي في يد الأستاذة درجات الواجب يعني عليها درجات من جد :) شدي حيلك ..
إن شاء الله كلامي يساعدك .. لا أطول عليكي ^_^" .. الله يوفقنا أجمعين إن شاء الله ،،
( لو بتشوف الأستاذة الموضوع دا بتقتلك ههههههههه )
و إن شاء الله غيري يجي و يفيدك أكتر و أكتر ..