الى كل من تحطم من الاحصاء تعالو هنا

[az.ksa]

اولا ,, بخصوص الوقت صآآدقه ومعاكي حق ساعتين هذي يادوب تكفي الي يكون انتظام أو مذاكر المادة تمام وبيحل كل الاسئلة

فما بالك اذا كان انتساب .. وماهو متمرس عالمصطلحات و تطبيق القوانين السريع ..

وفي اعتقادي ان لو خلو مدة الاختبار ساعتين ونص .. معقوله واذا كانت 3 ساعتان خييير وبركة

____________
بخصوص انه المادة حجمها في الخطة 3 ساعات ,, انا اشوف انه منطقي .. واشوى ماخلوها 4 ساعات

لانه بمقارنتها ببقية المواد مثل مهارات الاتصال 3 ساعات ,, التفكير 3 ,, الانجلش 3 .. نحصل انه 3 ساعات للاحصاء معقوله مقارنة بمحتويات المادة من افكار و مستوى الصعوبة مقارنة ببقية المواد

________________
بخصوص انه ادراج الاحصاء في الخطة فيها ظلم لطلاب الادبي ,, انا اتفق معك كثير في هالنقطة .. بس الي اعرفه انه في تخصص ادارة الاعمال و الاقتصاد تتضمن مواد محاسبة 1 و 2 و تحليل في عمق التخصص بعد السنة التحضيرية .. اصعب من الاحصاء .. والاحصاء يعتبر اساس لها .. فـ كيف حيسوي الي مايقدر يعدي الاحصاء ..؟

______________
بخصوص انك تطالبي بزيادة درجات اضافية ( باونس )

احب اطمنك هالشي يسير كل ترم ,, بناء على نسبة النجاح والرسوب .. يعملون حسبة احصائية بسيطه >> عاد هذا تخصصهم :)
ويشوفون نسبة النجاح ويقارنوها بنسبة الرسوب .. ويحسبون متوسط الدرجات وبناء عليها يحسبون الـ ( الباونس ) ويضاف للكل بدون استثاء .. عشان يكون فيه عدل
يعني مثلا لو كان الباونس ( 7 درجات )

وطالب جاب 55 راح يضيفون له الـ 7 ==> 62 مبروك النجاح
وطالب جاب 90 راح يضيفون له الـ 7 ==> 97
وهكذا ..

لانه لو كانت نسبة الرسوب عالية .. الجامعة راح تسائل قسم الاحصاء .. ويعرفون ان فيه شي غلط :: اما ان تكون الاسئلة صعبة او انه في غلط في الدكاترة والمحاضرين وانهم مايعرفون يوصلون المادة طلاب

وطبعا هالزيادة في الدرجات الي تصير مو عشان خاطر عيوننا احنا يالطلاب ,, لا
عشان يخافون على مناصبهم و وظائفهم ويوضحون ان الامور تمام لادارة الجامعة :(

بس الشكوى لله
و
تفائلو بالخير .. والله ما يضيع لنا تعب ان شاء الله :)