أمطار الاربعآء 22/2/1432 //~

[مشمشانا]

الله يرجع الكل سالم

=====

و الله لولا الله ثم الشباب كان انا غرقانة من امس
لو ما شالوني الشباب من السيارة مدري ايش كان سار
الدنيا حوسة و غرق الطرق فضيعة و السيل نزل علينا
السيارات ما عد نشوفها و ما قدرت اطلع من هناك الا لما بدات الوايتات تشيل شوية من الموية
و بطلوع الروح ومن مكان لمكان
بنت عمي لحد الان محبوسة في النسيم و ولد عمي وصل بيته مشي على رجوله الساعة 4 الفجر
و ولد عمي الثاني لحد الان محبوس بالتخصصي مو قادر يخرج
حسبي الله على اللي كان السبب

===

من الساعة 10 و احنا نقول لدكتورة الاناتومي تخرجنا اللي خرجو 10 مداهم يوصلو
بس ما رضيت و اصرت اننا نقعد لين ما يخلص الاختبار 12 و ربع
البنات في القاعة كانو منهارين و بعدين رحنا البوابة و خرجت
و علقت بالساعات لين الله يستر على مجموعة شباب ساعدوني
و الباقين لحد الان عالقين ما انسى البنات في القاعة وهما يقولو للدكتورة ما نبغى نموت بالجامعة
و هيا مو هامها اهم شي لا تعيد الاختبار