المواد الحرة + السهلة + ترتيب الجداول: بقسم الإعلام ـ طلاب إنتساب ـ الفصل الثاني

[ابو ليونه]

السلام عليكم ورحمة الله وبركاته ..

كيف حالكم يالذيابه ان شاء الله مستانسين ومرتاحين ...؟

مبروك النجاح لاي شخص واللي ماحالفه الحظ وصادفه الـ F لاييأس باذن الله ماهنا يأس ولولا الامل لاانفجرت القلوب عن مابها والضغط كما نعلم يولد الانفجار > ياشين الفلسفه


المهم يالذيابه مالكم بالطويله خويكم ابو ليان ناوي يحول انتظام باذن الله الترم الجاي اخر ترم له

وليكم بعض المعلومات عن هالشخصيه .:

1- المعدل الحالي ولله الحمد 2.76 . والمعدل المطلوب للتحويل للانتظام 3.50 وباذن الله راح احول لاني راح اضيف مواد كثيره باذن الله وراح اجيب المعدل المطلوب فيها ..

2- راح ينزل ابو ليونه هالترم 21 ساعه باذن الله النظام اعلم بانه مايسمح الا بـ 18 لكن اروح اخاطب الكلية حقت الااداب ويضيفوا زيآده باذن الله

اللي اطلبه منكم يالذيابه

استفسآر بخصوص هالمواد

عندك علم السياسة
نظريات الاتصال
علم النفس الاجتماعي
التحرير الكتابي
اسلوب تحليل النصوص
الاقناع
الاعلام العربي والاسلامي
اسس العلاقات العامة 360
قضايا اعلامية معاصرة
الاعلام السعودي وتشريعاته

وش تنصحوني اخذ يالذيابه هالترم واتمنى تختاروا لي الماده الكويسه السهله وبشرط يالذيابه اللي سبق ودرستوها والدكتور اللي حضرتوا اخذتوا الماده عنده وياريت ماتكون مواد في التخصص الحالي ابي مواد عامة عشان اذا حولت ماتروح علي الساعات فقط
و انا خلصت الرأي العام على فكره ..

وياشباب انا راح احول الترم الجاي لعلم النفس تقريبا او للاقتصاد والاداره باذن الله سبحانه


وباذن الله يالذيابه راح احضر الدورة التأهيليه هالترم اذا الله يسر وسهل واذا حضرت باذن الله لكم وعد مني راح احضر ماده بالنيابه عنكم جميعاً بس اختاروا الماده اللي تبونها بشرط الكل يكون ماخذها عشان افيد الجميع واستفيد كله لجل خاطركم باذن الله


اسعدوني الله يسعدكم ..