اضافة المواد الحرة (استفسار)

[غيم تايه]

المشاركة الأصلية كتبت بواسطة برونز اغلب المواد جايه 3 ساعات .. عادي لو اضفت مثلا عربي 231 قبل يدرس عربي 201 ؟؟ الله يعافيك غيم ساعدنا.. وش رايك؟؟ هات رقم اي مادة ورمزها وتكون ساعتين ونضيفها ونفتك .

شوفي اختي القضية مو قضية نضيف مادة ونفتك فيه مادة السيرة النبوية بساعتين لكن جميع الطلاب يعانون من الدكتور .. يعني نسبة حمله للمادة كبيرة جدا .. واسالي اغلب اللي هنا نجحوا على درجة 60 ، والاهم من هذا كله المعدل .. لازم في هالمرحلة يتم النظر الى رفع المعدل لانه في المستويات المتقدمة راح يتعب في رفع المعدل .. والواضح ان معدله نازل شوي لان عدد الساعات المسموح له فيها 15 ساعة ... وليه تضيفي ا العربي 231 ، اذا اخوك عدى عربي 1 فلازم الان ياخذ عربي 2 واذا هو حامله لازم ياخذه اول ... اما اذا تقصدي انها مادة حرة فحرام تاخذي اي مادة علشان تفتكوا
الخيارات كالتالي :
1- تغير مادة الثقافة بالعربي ويصير عنده 14 ساعة ومو مشكله ساعة ... اهم شيء يرفع المعدل والمواد اللي راح ياخذها كلها مداخل لمواد مستوى رابع .
2- تخلي الجدول على ما هو عليه ( 13 ) ساعة ويشد حيله حتى يتجاوز ويرفع معدله .
3- تغيري الجدول وتحذفي منه وتخليه خمس مواد بـ ( 15 ) ساعة كل مادة بثلاث ساعات ..مثل الجدول اللي كتبته قبل ( علوم القران ، القران ، فقه العبادات 1 وعربي 2 وعلم نفس الشخصية ) واذا ماقدر يحفظ الجزءين من القران يقدر يخليه الفصل القادم ويسجل الاقناع أو مبادى القانون ..
4- تضيفي مادة بساعتين مثل السيرة النبوية ( لكن منهجها طويل وصعبة ) .
المهم مثل ما قلنا يعدي هالترم بدرجات مرتفعه حتى يكون الفصل القادم المسموح له ( 18 ) ساعة ..
اسف على الاطالة .. وانتظري يمكن احد من الاخوان يكون عنده اضافه او افادة افضل .. وفي الكل خير .. موفقه انتي واخوك تحياتي :::