تجمع لكليه الاعمال برابببببغ

[هنووووو]

المشاركة الأصلية كتبت بواسطة وين انا الله يستر ايش يودينا لرابغ؟ كويس انو في حد معاي مو لوحدي

ههه لا تخافي أنا معاكي وأكبر منك بيوم أعلم عنك بسنة ..

المشاركة الأصلية كتبت بواسطة ماكنتوشه هنوو ياشششششششيخه عساك بالجنه مشكوووره قلبي يارب يعطيك حتى يرضضيك

آمين يارب وإياك ..

المشاركة الأصلية كتبت بواسطة crazy_beba هنو قوليلنا عن الدراسة في رابغ كيف سهلة او صعبه ؟؟ وكيف تعامل الأستاذات والمعيدات ؟ انا بصراحه مره كنت مبسوطه لما اخترت القسم بس لما دخلت وقريت مواضيع قسم كلية الاعمال في رابغ هنا في المنتدى خفت

بصراحة بالنسبة ليا أنا حابة هالتخصص ومرة عاجبتني دراسته يعني أول شيء لازم تحبي الشيء عشن تبدعي فيه ..
تاني شيء نسقي وقتك وأبدأي لو إطلاع عالمواد عشن تتعودي على محتواها ..
ثالث شيء حضور الدورة التأهيلية جدًا مهم بعد كذا ذاكري وربنا يوفقك ..

رح أخبرك عن المواد اللي بندرسها طبعا انا نزلت لي بأول سمستر 6 مواد ( هذا الشيء بيعتمد على المعدل وغير كذا بإمكانك تحذفي وتضيفي اللي تبغيه الحين كبرنا خلاااااص )

محاسبة مالية / مادة رائعة بتعتمد على الفهم والتركيز ومبنية على أساس مفاهيم محاسبية معينة مرة حبيتها في البداية ما أنكر كان في شوي صعوبة بس بعدين مع كثرة حل التمارين وتكرار المسائل سرت بروفايشنل هههه ..
موارد بشرية / مادة كلامها كتير بس الدكتورة كانت مسهلاها والحفظ من عرض البور بس ماعليكي إلا غنك تتخيلي إنك مديرة موارد بشرية أو صاحبة شركة وعيشي الدور ..
إدارة أعمال / هذي المادة فيها شبه كبير من الموارد حتى أنه يقولوا غنهم أبناء عمومة وتربطهم صلة ..
قانون الأعمال او القانون التجاري / بيتكلم عن انواع الشركات والأحكام القانونية وبتختص بقانون التجارة والتجار مرة حلو بس يبغاله تركيز مررررة ...
ثقافة إسلامية2 / وبيتكلم عن القرآن والسنة والإجماع والقياس والفتوى ومرة حلو أسهل من الأول ..
نظم معلومات إدارية / وهذا يعتبر الجزء الثاني من مادة الحاسب وهي سهلة بس أنا حذفتها لنه ماكان عندي وقت أذاكرها واخذت بدالها تحرير كتابي وهذا عربي 2 مرة جوناااان ولا شي عند عربي 1 بيتكلم عن القصة والرواية والمسرحية والتقرير والرسالة وجزء أخير بيتحدث فيه عن بعض علوم البلاغة ..

تعامل الأستاذات والدكتورات جدًا راقي الله يسعدهم يارب أثلجوا صدورنا ..

وبعدين لاتسمعي كلام المحبطين وماعليك من الزحمة اللي مسوينها الشباب في قسم الأعمال بينفسوا عن مشاعرهم السلبية وبيخوفوا النسا التانية الله يهديهم ..