oOo .. ..~{{ سَـــــــــوَّآهَـآ قَلبِـــــــــــــيْ }}~ .. .. oOo

[رغد محمد]

}}~ بفلة ابوطلال::

الجازي بخيبة امل :: ليش يمه مراح تروحين معانا ؟؟!!..

ام طلال وهي جالسه تفطر وبعدم مبلاة :: والله عندي اليوم حفله وبكره زواج تبيني اضيعهم علشان اروح اجتمع مع اعمامكم وزوجاتهم ولا اشوف مزرعة جوير تقعد تفرح فيها وتقهرني بمزرعتها وعزهم لاحبيبتي مالي خلللق ..

فهد مر وسمعها وطنش ولاكنه يسمع وطلع برررى ووراه طلال سوا نفس الحرككه ..اما الجازي تضايقت لمتى امها بتكررره اعمامها اللي ماذوها بحرفف ..

اما فواز جالس بجنب امه ..

ابوطلال وهو ينزل :: يالله الجازي وين اخوانك؟؟!!..

الجازي :: برى ننتظرك علشان نطلع ..

ابو طلال :: يالله ياامي امشي ..

الجازي وهي تتغطى :: ان شالله ..

ابوطلال قبل لا يطلع انتبه لفواز اللي جالس جنب امه :: وانت مراح تجي ؟؟!!..

فواز :: الا باجي ..

امه مسكته :: الحين بيلحقكم ..

طلعوا ينتظرونه كلهم راحوا بنفس السياره .

ام طلال :: مثل ماوصيتك ها سامعني ؟؟!!..

فواز يهز راسه :: انتي تامرين امر ؟؟!!..

ام طلال تطلع من شنطتها وتمد له فلوس :: خذ هاذي علشان ماتحتاج احد وجوالك فيه رصيد والا لا؟؟!!..

فواز :: ايه فيه نسيتي توك شاحنته لي امس ..

ام طلال وهي تتذكر :: ايه صح يالله رووح ودير بالك على روحك ..

طبع قبلاته على راسها وجبهتها وخدها وطلع وانطلقوا بعدها ..

//

\\


انطلقت جميع العوائل متجهه لمزرعة ابوفارس اللي تبعد عن الرياض تقريبا ساعتين ..



وصلت العوائل وكان باستقبالها ابوفارس وعياله اللي استقبلوهم احسن استقبال الرجال والشباب جلسوا بقسم الرجال بخيممه كبيره قدام المسببح الكبير و قطع ثيييل حولينه مع احواض ورود ..

اما الحريم جلسوا جووى لحد مايرتاحون بعدين ياخذون جوله بالمزرعه ..

الجد وهو يطالع منظر المزرعه كانت رائععه وكبيررره جداااا وغير كذا فيها اكثر من نشاااط برغم انهم بقسم العايله مافيه اي نشاطااااات .. :: مشالله والله وكبرتها وزينتها ياولدي ..

ابوفارس ابتسم :: هذا كله علشان نرتاح فيها وننبسط ..

ابوسلطان :: مشالله كامللله ..

ابوفارس هو يبتسم :: توك ماشفت شيي ..

اما الشباب جالسين على الثيل على فرشه قدام المسبح اللي يغريالواحد يسبح فيه كان كبير وبطرفه احجااااار باحجام متنوعه وينزل من اطرافها المويه وكنها شلال بس منخفض شوووي وجسر صغير حولينننه اشجار ممتده من طرفينه يعني فوقه وباطرافهه وحولينه وروود وزوهور واحجاار كان فووق الحجر اللي بطرف المزرعععه والمنظر منه رائع .. وحولين المسبح جلساااات حلوووه وراقيه ..

سلطان :: اقوووول شببببااااب وش رايكم نسبح بصراحه المسبح يغري ؟؟!!..

طلال :: انا معاااك ..

فارس وهو يوقف :: قموا اجل قبل الظهر لانحترق ..

قاموا بسرعه وخلال ربع ساعه كانوا جاهزييين وبدوا يسبحون الشباب كلهم حتى ثامر وتركي وهمام ومحمد معاهم ..

//

\\