ولد خالتي والشهادات

[ROoOFaNA]

السلام عليكم ورحمة الله وبركاته
كيفكم يا طلاب وطالبات المسار العلمي
اسأل اللهلنا جميعا التوفيق في الاختبارات

اما على سالفة ولد خالتي اسمعوا القصه واضحكوا
اولا: سيدي ابو ماما كان تعبان ورحنا كلنا احنا وخالاتي نزوره
ثانيا: ستي لقت في المخزن شهادات مبروزه لولدها البكر وطلعتها ومسحتها وعلقتها
ثالثا : والاهم ولد خالتي( طالب بالصف الثاني متوسط) شافها وقرأها وقال خالي متخرج من مدارس الفلاح
قلنا له ايوه
وكمل قرايه وشاف التقدير لقاه ( جيد )
قام قال يالله شوفوا ستي خالي جايب تقدير ( جيد) ومبروزه الشهادات ومعلقتها
واحنا جايبين امتياز وشهادات لحفظ نصف القران
وما في احد بروز لنا شهاده او علقها
وكمان راح سأل خاله ( شغال في الخطوط السعوديه) عن راتبه وقال له ان راتبه خمسة عشر الف ريال
قام مسكين جالس يفكر ويقولنا وعلى ايه احنا ندرس ونكمل ونجيب معدلات ومافي اعمال ولافي رواتب كويسه
ورجال اول من غير شهادات جامعيه اعمالهم ورواتبهم افضل من الحين
وقام يقول احسن لك لا تكملي وروحي اتزوجي لك واحد من رجال اول وعيشي سعيده ومتهنيه خلاني اضحك الين قلت بس
وقلت له انا ابغى احقق ذاتي وطموحي وابغى اتسلح بشهاده للزمن
وقامت امه تشرح له ان التعليم مهم وان الفترة ديك غير عن الفتره اللي انتوا فيها
والتعليم اتطور وما هو زي اول
وبصراحه قام يناقشنا في المعيشه هل كانت زي دحين قلنا له لا زمان على ايام امك وخيلانك كانت الدنيا غير ومافي غلاء في المعيشه زي الان
قام يقول :
ما دام زمان الناس قلوبها على بعض وكل شئ فيه بركه وما في غلاء في المعيشه
زي الان
المفروض انه تكون الان الفرص الوظيفيه و الرواتب افضل
لان عندنا مستلزمات اكثر من حقون اول
كمبيوتر بلاي استيشن سيارات ملابس
وقامت خالتي روحت بيتها لما طفشت من النقاش معاه
وخلانا كلنا نضحك لما راح يتمعن ثاني في الشهادات وهو مروح
الله يستر على مذاكرة الانجليزي
واخاف كمان الولد يصحى الصباح وما يرضى يروح المدرسه