عندمآ يتشآبـﮧ إلگل أتميز { أنـــــآ .!

[O-DODY-O]

بحكيكم بعض من مواقفي المجنونه

اول شي لازم تعرفونو عني اني انسانه لما ابغا شي لازم على طول يجيني ما استنى ولا دقيقه

لو ايش ما كان


المهم مره من المريرات كنت ابغا اروح السوق

وابويا قلي استني بعد المباراه اوديكي <ابويا بيصرفني

(كانت مباراة الاهلي والشباب) <مباراه مو مهمه بالنسبه ليا

المهم قربت المباراه تنتهي

ورحت لبست وكل شي ما باقي غير اركب السياره

المهم خلصت المباراه ورحت قلت لابويا هيا

قال خليها بكره

مررره زعلت ورحت جلست في الصاله اسوي نفسي ابكي

امي شافتني حنت عليا

قلتلها والله بعد ما لبست ما افسخ

ويا بنت هنا هناك قلت والله ما افسخ

ونمت بالعبايه واللبس حقي ولا فسخت شي

وصحيت الصبح الشغاله شافتني انفجعت مسكينه <تقول في نفسها ايش ذي البنت المجنونه تنام بالعبايه وتلبس كعب كمان

والمهم الساعه 10 الصبح صحيت ابويا قلتلو دحين توديني

شافني لابسه جلس يضحك عليا

وامي تقولي انتي وحده مجنونه

-------------

وهاذا موقف ثاني يثبت جنوني بجد

مره من المريرات كنت راجعه من المدرسه مع اخويا

وكان نفسي في ايس شوكليت وقلت لاخويا مالي شغل تمر ع ـالكافي

وهوا مو راضي

المهم جا بيلف اللفه اللي تودينا على بيتنا

قمت لفيت الدركسون على اساس الف يسار عالبرحه

قام اخويا يصرخ عليا يقولي مجنونه انتي هيا لو انقلبت السياره قلتلو مالي شغل لما اقولك شي تنفذو وانتا ساكت

رجعنا البيت على طول راح عند ابويا يقولو بنتك ذي مجنونه بتقلب السياره

ابويا قال بنتي عاقله انا عارفها <ويا سلام يا سلام ابويا معايا دايماً وابداً

----------

ترى للمعلومه انا انسانه احب اتحكم بالناس وما ارضى لأي شخص يفرض كلامو عليا