سبحااان اللي خلق وفرقً... :/ معاناة مع الدكتوراتً

["~* بيادر *~"]

المشاركة الأصلية كتبت بواسطة سكووت ايام التحضيري كنت اخد انقلش مع اساتاذة ماليزية اسمها ادابيا الله يحفظها , من أروع الشخصيات اللي اثرت فيني , مررررة منضبطه عالوقت , تشرح بذمة ,ما تغيب , وتراعي الله فينا .. دا الشي ضايق الطالبات مو متعودين الا عالدلع و الخروج بدري ,سارت مشاكل معاها و البنات طلبو منها تخرجهم بدري و كل شويا يقولو خلاص استاذة طفشنا و خرجينا !!! كانت مصدومة من الاسلوب .. و على نهاية الترم في بنات قدموا شكوى و تم انهاء عقدها بالجامعة و جاتنا تبكي و تسأل انا ايش سويت لكم ؟ دموعها حزت في خاطري .. اما وقت الحذف و الاضافة , مشرفتي -سعودية- ماجات الا 9 وشي ,يعني حتى انتظام عالوقت مافي , غير انو مافي التزام بالساعات المكتبية و غيابات .. برضو انا احب اللي يشرح بذمة وضمير خصوصا لو المادة متطلب , يجي استاذ يحذف نص المنهج و يدي ملزمة من 12 ورقة و دا الاختبار , كيف نبغى نخرج اجيال متعلمة اذا احنا بس نحذف و نحذف ونتجاهل ايصال المعلومة بكل تفاصيلها !! انا ما اعمم طبعا وفي دكاترة ودكتورات فيهم الخير والبركة وقدوة لنا .. و إن شاء الله احنا الجيل الجديد نحاول نتجنب دي الاخطاء بتعاملنا الوظيفي بالمستقبل ..

سكووووت ذكرتيني بأستاذة ادابيا الماليزيه ربي يسعدها دنيا وآخره ، اخذت معاها من زماااااان بس والله ما نسيتها

سوررري اختي عروقي شماليه داخله عرض في موضوعك بس والله ما صدقت اعرف شيئ عن استاذتي لاني اشتقت لأيامها ومن زمان نفسي اعرف شيئ عن اخبارها
وبالنسبه لتصرفات بعض الدكتورات اللي يتكبرون على الطالبات للامانه ما جربت هذي النوعيه من الناس وان شاء الله ما اجرب بس اني سمعت من بعض الزميلات وتقريباً مشابهه للقصص اللي ذكرتيها

الله يعطيك العافية