أهلا وسهلا بك في مطعم سكاو / حقيقة المطاعم لدينا

[إحساس ناجح]

مساء الخير على الجميع كيفكم إن شاء الله بخير أعرف إنو الموضوع شاذ شوي وغريب لكن حاب اطرح بأسلوب فكاهي وواقعي المشكلة اللي راح أتكلم فيها عن أسماء المأكولات في المطاعم هل هي واقعية الاسم أو أي كلام ؟؟؟؟؟ قبل أسبوع زرت أحد أصحابي في أحد المطاعم الكبيرة في جدة وكانت وظيفته اختيار أسامي المأكولات في المطعم طبعا المطعم غني عن التعريف المهم بعد وصولي للمطعم قابلت صاحبي ودخلني مكتبه وطلب مني مساعدته وافقت أنا جاء على بالي مساعدة مهمة قال لي أعطيني اسم بالإنجليزي قلت سبايدر ( رميتها من عندي ) فقال والله الاسم حلو خلاص راح أثبته أعطيني اسم ثاني قلت رايز ( كلو تأليف من راسي ) فقال خلاص راح أثبته بعدها طلب مني الحضور معه غرفة الطبخ وشفت الطباخ يقطع قطعة دجاج كبيرة على شكل نجمة وعلى شكل معين قلت إيش هذا انصدمت من رده إيش تتوقعوا يكون فقال هذا سبايدر ورايز الشهر القادم راح يطرح في نفس المطعم هذا كعروض وراح يتم تغيير شكل الخبز والدجاج وطني وراح نكتب في العرض برازيلي درجة أولى وراح نكتب في العرض الطبخة على الطريقة السويسرية كدا راح ندخل أرباح كبيرة من الناس خصوصا السعوديين للمعلومية صاحبي هدا لبناني . فقلت له يعني بتقنعني إنو أغلب المطاعم مثل هارديز وكنتاكي وكودو نفس الموال فقال لي بالضبط أنا معاي شهادة من كندا في فن تسويق الطعام وعملت في كودو وماك وغيرها من المطاعم الكبيرة وعلى نفس الموال . سألته ليه خصصت السعوديين بهذا الموضوع فقال هو في الاول والأخير عبارة عن خدعة نفس الدجاج ونفس اللحم ونفس الخبز بس نغير الأشكال والأسامي ونرفع السعر فالناس تنبسط من الشيء دا وأكبر دليل شوف كم واحد يمدح على برجر أو فيليه معين بالاسم وإنو الساندويتش دا مافي زيو هذا اللي شجعنا في زيادة الأرباح . تعليقي كم واحد فينا سأل لما يدخل مطعم هل طلبي اللي يسويه الفلبيني او الهندي خلف الجدران بدون ما أشوفه يكون هو نظيف قبل مايكون الأكل نفسه نظيف ولا يضحكون علينا بديكور المحل ونظافته الخارجية والألوان الجذابة والأنوار الجميلة ولا يحط لك كم لبناني كدا حلو ووسيم على الكاشير فقط لغريك بأنهم الأفضل طيب لما يقولك الطبخ على الطريقة الإيطالية أو السويسرية أو التركية أو غيرها وإنت تروح لأهلك وأصحابك وتسوي نفسك اللي تطورت وبكل فخر تقول والله اليوم تعشيت من مطعم يطبخ على الطريقة السويسرية وإنت مسكين ماتعرف ولا ذرة من الطبخ السويسري بس ضحك عليك بالإعلان للأسف لما يجيني شخص تطورنا في هالبلد أقول كيف يقول صار عندنا مطاعم تطبخ سويسري وروماني وتركي ومكسيكي وإيطالي هذا اللي همنا الدول تقدمت مئات السنين ونحن على أتفه الأشياء وشوف أغلب المجتمع كيف يعانون من السمنة والسكر والضغط بسبب أكل المطاعم أنا عندكم ماوصلت 135 من وزني غير المطاعم ومن يوم تركتها ارتحت ووزني دحين 70 كيلو فكرة لو أنا فتحت محل وحطيت اسم المحل مطعم سكاو الروسي أو الإيطالي صدقوني هنا عندنا بالمجتمع دا راح أنزل أرباح وكمان أسوي مثلهم إحساس فيليه أو إحساس زنجر لاتضحكو والله جد بتكلم راح تحصل الكل يمدح في المطعم ولا أكبر صورة الاكل وأعلقها على الشارع العام واكتب تحتها على أيدي أمهر الطباخين في روسيا وحط كم لبناني وسوري عندنك مايتكلمو عربي وشوف كيف تصير مشهور في المدينة وتوصيل مجاني . أتمنى ان أكون وفقت في توصيل المقصود من الموضوع ولو إني طرحتها بشكل فكاهي ليفهم الجميع ماهي المشكلة لدينا شاكر لكم متابعة مواضيعي [motr] محبكم / إحساس ناجح [/motr]