طلاب ماجستير المحاسبه المهنية المقبولين هذا العام او من يدرسون .. بعض الاستفسارات؟

[فندام]

المشاركة الأصلية كتبت بواسطة ســارونا مشكورين aymansb - محاسب مهني نحنا لم يتم تسليمنا كتب نظم معلومات (غير متوفرة) مادة الأنظمة التجارية لم تضاف في الجدول بسبب عدم وجود من يعطي المادة (قالوا لنا خدوها بترم صيفي) (يعني الوضع عندكم منظم أكثر ما شاء الله بعكس إلي حاصل عندنا) وطبعا القروب ما في أحد يبغى يتكلم (كل واحد مع نفسوا) بخصوص التقارير والأبحاث مادة نظم معلومات : طلبت بحث عن الميزة التنافسية مع التطبيق العملي كل وحدة بمجال عملها مادة تحليل مالي ومحاسبي : طلبت بحث عن المؤشر في الأسواق السعودية مادة محاسبة مالية : موضوع عن التحفظ المحاسبي ما أعرف إذا الأخ فندام أخدو عن هذي المواضيع ولا لا

والله شوفي الوضع العام الماضي على أيامنا كان كالتالي
بمادة الانظمة التحارية كان مطلوب شيئين الاول عرض تقديمي على البوربوينت وعليه 15 درجة والثاني بحث متعلق بجزيئه محددة في العرض التقديمي وعليه 15 درجه على ما ادكر

بمادة نظم المعلومات المحاسبية كنا مخيرين بين امرين اما عمل بحث نظري في احد مواضيع نظم المعلومات بالتنسيق مع استاد المادة او تقديم المشروع العملي الي على برنامج الاكسس وكات عليه 20 درجة والي بدو يقدم البحت + المشروع العملي سوا قالو انو هدا حياخد بالاعتبار وبمادة التحليل المالي كان المطلوب هو فقط التقرير المالي الي عليه 25 درجة وما كان فيه بحث

وبالنسبة لمادة المحاسبة المالية كان المطلوب شيئين الأول حل الواجبات وتقديمها بموعدها وكان عليها ادا ماخانتني الذاكرة 15 درجة والثاني عرض تقديمي على البوروينت لاحد مواضيع المنهج وكان عليه ايضا 15 درجة وما كان فيه بحث مرة
اما انتو فالاحظ انو المهمات زادت عليكم بشكل ملحوظ وصارات اكثر دقة وتحديد بس انتو قدها وقود شدو حيلكم ياشباب وكلها فترة وحتعدي من غير ماتشعرو بيها وعشان كدا كانت نصيحتي للأخوان انهم يكتفو ب 3 مواد لأنو عندك التقرير المالي ومعاه بحثين ومشروع عملي على الاكسس عموما شدو حيلكم وبالتوفيق للجميع