( ليلة السقوط الكبير ) - اختبار الكمي .. زود همي - "الاسباب والمرئيات"

[B N D R]

السلام عليكم..
انا اعتقد اعتقاد جازم - مبني على الفتح - إن نسبة 90 % من الي اختبروا اليوم التحليل الهمي -على قولتهم- دخلوا الامتحان وطلعوا مايدرون وش السالفه !!
يعني بالعربي خبصوا وضيعوا ..
يعني - استهلكوا - من الوقت س = 100% ، وناتج (الربح) يمكن ماتعدى ر= 50 %..
و - الثمن (ث) - كان غالي ، مع متأكد انهم - ادخروا (د) - كل جهودهم على هالماده الصعبه..
تستنثي منهم الاشخاص الي ماذاكروا وكانت - ضريبة - اهمالهم اكيد الفشل ..

وبما أن لكل فشل - نرمز له بالرمز ص - حتما ستكون هناك اسباب - نرمز لها بالرمز س -
وبما أن الفشل يعتبر متغير تابع ، والاسباب متغير مستقل ..
فستكون الداله الخطيه للفشل ص = ي + م(س) ، طبعا( ي) = لاتسألوني عنه لكن يقولون انه عدد ثابت.
والي بيسألني عن (م) .. فالله لايهينه يرجع للكتاب ص 86
<< ملحوس مخه قوانين

اذا الاسباب بنضري هي كالتالي :

1 - وهو سبب رئيسي ، فيه شباب الله يهديهم يقولون ان القوانين راح تجي مع الاسئله،
وهذي الشي خلى الكثير منا يفقد حاسية الحفظ ويعتمد على كونها ستأتي من الاسئله << شوي عامي وشوي يقلب لغه عربيه فصحى
وهذي اكبر مشكله - صارت القوانين كلها قانون واحد ص=س(1+ف) إس ن << طبعا أس متواضع مكتوب على السطر. ...

2 - الوقت ضيق جدا يعني المفروض هالماده مايقارنونها مثلا بماده الحاسب ولا العربي،

غير منطقي ان يكون وقت الامتحان ساعه ونص لكل المواد ..
كان لازم يقدرون صعوبه الماده ويضيفون على الاقل نص ساعه زياده..
لازم يكون فيه قيمة - توازن - المسأله فيها عرض وطلب
<<< كنه قلب محلل اسهــم

3 - بصراحه بصراحه - معامل المرونه - عند المراقبين على اللجان = صفر ،،
يعني عديم المرونه ..
المفروض يتساهلون شوي ، ومو كل شوي : باقي نص ساعه على الوقت ، باقي ربع ...
توترنا من جــد وصرنا نبغى نحل خمس اسئله في وقت واحد ..

4- الماده نفسهـــا صعبه على ناس آخر مره شافوا معادله في حياتهم قبل 10 سنوات..
قبل لايخترعون السين والصاد في المعادلات ... ايام كانت المعادلات قير عادي ابو اربع تعشيقات
<<
لا والمشكله مو انها معادله والسلام / لا!! بعد يبونا نطبق عليها حاجات فيها دراهم واستثمار وادخار
يعني شغلة فيها قعاطه بصراحه ... << (هذه القاعده غير مطبقه على السعوديين)..
كان من المفترض يختصرون الكتاب ، ويقللون من القوانين اللحســه ، او على الاقل يطلع دكتور الماده ملخص نقدر نفهمـــه ..

5 - اعتقد تكفى الاسباب الي فوق تسقطنا .. والي عنده زياده عليهم الله لايهينه يضيفهـــم..

بالاخيــر وش تتوقعون بيكون ناتج المعادله الخطيه؟؟

هذا السؤال الي متأكد مافيه احد راح يخطي فيه ..

<< اختصر لو سمحت

باختصار .. ابغى اقرا تعليقاتكم ، وخلونا نواسي بعضنا .. ونرفع من المعنويات شوي ..
لان ناتج (الاحباط الحدي) لكل شخص اعتقد انه بالموجب ..
يعني (الفائض) مرررره واجــد كثير << كيف الحال صديق

اخواني خلونا نضغط عليهــم يدفونا عشان ننجــــح .. ولا ترانا بنغـــرز ..

--- خاتمــه : ----
ليتني شكيت القوانين على الحاسبه كان مشى الحال..