عُلى ذٍكـِر الغـًرام ,, وطاري الفرقـٍـُا ,, ونبض الشـ‘وق

[‘مـُـٍـُـٍرقآآآآب‘]

على ذكر الغرام وطاري الفرقا ونبض الشـــوق
سلام الله على خلن حفظت اسمه وعنوانــــــــــه

عرفته من ثمان سنين والخافق عليه يتـــــــــوق
ولا والله نسيته كون ينسى الطيب اخوانــــــــــه

احبه وان طلبني من غلاه اسوق نفسي ســـــوق
وهو لامن طلبته قال عان الي تبي عانـــــــــــه

تجمعنا على العشق العفيف وصادق المنطــــوق
وتوادعنا على خشيه جليل الملك سبحانـــــــــــه

يقولون الرجال الي لهم عند رجال حقــــــــــوق
ترى الرجال تحسب قيمته من منطق لسانـــــــه

وانا والله عزيزوما شكيت همومي لمخلــــــــوق
ولا والله رضيت العشــــره الي مالها خانــــــه

حفظت العشق يوم انه خلي من الغدروالــــبوق
وتركته يوم قدره طاح بين فلان وفلانـــــــــــه

ولو ان الدمع من عيني ماينزل تحت يطلع فوق
بكيت ويكفي انـــــي ما بكيت الا عشانـــــــــه

الشاعر / فهد المكودر