أربعيـــن ،،،

[تلميذ منتسب]

8

8

إدلهمّ الكـــــــــــون حولي واطْبقـَت سحب الكآبه

أغرقـَت جوفي بدمعي واهلـَكـَــــــــت أخضر حقولي

وينكــــم ياربع عمــــــري ؟ من بقى ما صك بابه ؟

مابقى لي صاحبٍ أرمــــي عليه اهــْــــوَن حمولي

الكتابة عن همـــــــــومي ذنب أفْشَل في ارتكابه

هكذا حــــــزني أناني غير فرْحـــــــي للّي حولي

من همـــــــــــوم الناس أبني دافعي لجل الكتابه

ما حسَبْت حساب ضاقوْ بْما كتبت او صفّقوا لي

ما تعبت ارقى و أرقى بالدُّعــــا حالي تشــــابه

مقدر انزِل لو أبنزل غصب ترقــــــــــابي رجولي

لي إلهٍ جلّ شأنه عندْما اكون فْـ رِحــــــابه

في ركوعـــي في سجـــودي أصْعَد فْـ قِمّة نزولي

لي مكانٍ في الكواكب ذا طموحـــــي لسْتُ آبَه

نجم عالي ذا مكــاني عل موتي هـــو أفـــــولي

ما فعلت الخير أرجي من بشر فــــــاني إثابه

عالمٍ ربّي بقصـــدي وما سبَبْ أطيب فعـــــولي

جُل خيرٍ قد فعلتَه كنت في عَكْسَه أ ُجـــَــــــابه

لم يفاجئني جحود ولم يُثِرْ حتى فضــــــــولي

يا زماني قبل غدرك كنت اقول الدنيـــــــــا غابه

يا زماني بعد غدرك ما نقص ما زاد قــــــــــولي

أربعينٍ من تجارب أربعينٍ من غـــــــــرابه

أربعينٍ من تأمُّل شكّلت ذاتي وميــــــولي

كلّ احَـــد يقضي حيـــــــــــاته بين تقصير وإنابه

يستحيل انّك تلاقي لاْيّ اْحَد وصفٍ شمـــولي

الكِبِـــــــر أردى الخطــــــــــايا ما تجبّه إستتابه

أستعيذ بربّي منّه في خروجــــــي في دخـــــولي

النفاق اكبر رموزه كـــــان في عهد الصحـــــابه

كيف عـــــاد الوقت هذا ؟ كل شبرٍ به " سلولي "

الرضوخ أصبح فضيله وقول " لا " أصبح دُعابه

والمشاكــل مبتدعها قال : تِلْزِمْكــُم حلـــــــولي

كيف تغييرالمعــــــاني يُرجِع الحقّ لْنصَـــــابه

والثوابت مستبـــاحه عند ذول وعنــــــــد ذولي

كل حـــــقٍ دون قوّه زاهـــــق و ثابت ذهـــابه

يُكْتَب التاريخ ناصــع للقوي لو هـــو " مَغـولي "

العدو بالحيـــــــــــل قرّب واضحٍ تكشير نابه

وبعضنا لازال يسأل ظنّكــــــــم أسرِج خيولي ؟

بين تفريط و تطرّف تاه جيلي في خِطـــــــابه

خير اموري هو وَسَطْــهَا طال عن هذا غفولي

إحترس يا ذيب و احذر من زمن ســــــادَت كلابه

الوفا بَه صار عِجْبه والغدر فعــــــــلٍ بطولي

لا تثق باللي تثق به ، بد شكّــــــــك وارتيابه

كم عُهُرْ سافِرْ يُغطّى بْملْمَــــحٍ طاهــــر طفولي

عندي للدنيا ســـــــــؤال وما أبي منها إجــابه

هو يغيّر شي رفضـــــي أو حيادي أو قبولي ؟

كن يا دنيا همومـــك جُمِّعَت مثــــــل الذّيابه

سالـَمَت كل اللي قبلي ، تنتظـر لحظة وصــــولي

كلّ غــــدرك مايســــــاوي في موازيني ذبابه

ربّما لوّك وفيتي كان أرّقْنــِــي ذهـــــولي

يا عذولي هاك بوحي هاك جرحي وانسكـــابه

ما سوى ذا وقت سـَـــانح ، قم بدورك ياعذولي

أتعبتني هالقصيده فكـــــــر وجروح ورتابه

بس يا هذي القصيده أقصريها لا تطـــــولي

يا كـــريم يحب عَفْـــوهْ رحمِتَه تسبق عــــذابه

الطف بذلي امامـــك حينمــــــا يَحْتُمْ مثولي

.

.

للشاعر / عبدالرحمن بن مساعد

مما راق لي ،،،