مطالبة القسم بترم صيفي لطالبات الانتساب

[faafee]

ينفع انضم لكم انا اداره عامه عادي؟


يعني اساسا لو سمحو لنا انتساب رح يسمحون للكل ف عادي انضم لكم اتوقع

وحابه انبهكم لشي لاحظته بالردود انه كل وحده تكتب رد جديد تكتب طلب جديد كيذا ماينفع صحححح كلها حقوقنا ومن حقنا نطالب فيها بس ركزو على شي واحد نصيحه لو كثرت الطلبات في خطاب واحد رح يشوفو الاسهل عليهم ويسووه ويعتبرو نفسهم سوو شي ولايسمعون لنا سنين قدام

بالنسبه لاسلوب الاستاذات يختلف من استاذه لاستاذه بالنسبه لوقت المحاضرات انا معاكم انه مره مو اوكي بس خلوكم فالاهم الهدف الاساسي الحين الترم الصيفي خلاص ركزو عليه

وفيه ناس تحططم تدخل تكتب لاتتعبو نفسكم - مافيه امل - مدري وشو لابنات لاتكونو كيذا مايضيع حق وراه مطالب والي تقول مارح ينفذو الطلب لنا هالصيف لكن الي بعده يمكن لالا ليش اليأس والاستسلام مشكلتنا التاجيل والتسويف خلونا يد وحده

والي لها مشاركات على الفيس بوك تنسخ الموضوع لهناك لانه هناك رح يلقى صدى اككككككبر لو انا مشتركه بالفيس حولت الموضوع هناك كمان

نبي صيفي انا عن نفسي على وجه زواج والي خاطبني لازم يسافر برى ومفروض لما اتزوج اكون مخلصه دراسه واروح معاه انا ممكن اضحي بزواجي ولااضحي بدراستي وانا مو بس همي نفسي غيري كثير ولاقلت يفتحو صيفي عشان وحده او ثنتين كثثثثثثثثثثثير وظائفهم موقفه على الشهاده الجامعيه وهدا كله عشان مايعطونا صيفي وترى لاتحسسوهم انه طلبنا ككككبير يتجرؤ يرفضوه او يأجلوه كالعاده لا ترى جد اتكلم طلبنا ولاشي من ابسسسسسسط حقوقنا تدرون ليش لانه للطلاب صيفي وللانتظام طلاب وطالبات صيفي اذن من حقنا والا لا !!!!!!


ولايقولون لكم هيئة التدريس مو قابلين فيه حلول كثيره عيب حنا نعطيهم حلول وش فايدتهم اجل !!

اولها الاستاذ الموقر ناسيه اسمه الي يقول المشكله عند اعضاء هيئة التدريس عندهم المشكله انا كنت اتظام وكانو مليانين استاذات يدرسو انتظام صيفي يعني هي الاستاذه كيذا كيذا متواجده ومداومه وتعطي شعب وانتو تقولو يبون يستمتعون بالاجازه ! لايكون على بالكم حنا لازم نكون مسائي زي ماحنا متعودين ورح نشترط ونتدلع لالالالا قابلين لو اعضاء هيئة التدريس بس مشكلتهم انهم مايبون دوام صباحي ومسائي حنا قابلين نكون صباحي حنا قابلين نكون سنترا حنا قابلين باللي يريحهم طال عمرهم انا وغيري من الطالبات الي قابلين وراضيين ناخذ مع شعبة انتظام شوفو لاي درجه نبي نخلص حنا الخسرانين انتظام= حضور+ دوري1+ دوري2+ واجبات+مشاركه+ بحوث وهم مو دافعين وحنا دافعين ومع هذا راضييييييييييييين


حل ثاني حنا اغلب موادنا شبكات مع اساتذه يعني موجودين هالاساتذه ف الترم الصيفي للطلاب, ف الاترام العاديه حنا نسجل معاهم اذن مفروض نفس الشي ف الصيفي


حل ثالث كثثثثثثثثثثثثثثثير خريجات مو لاقيات وظايف واذا قدمو عالجامعه مالقو قبول دام هيئة التدريس تبعنا طالت اعمارهم ماعندهم وقت يعطونا صيفي اذن سوو توظيف بالعقد فقط ف الصيف مع الخريجات الكفؤ الي مقدمات على الجامعه يدرسونا ف الصيف رح يثقل عل ميزانية الجامعه الموقره ادري سسسامحونا بس تذكرو فيه رسوم بتاخدونها عليكم بالعافيه وبرضو ماننسى لو فتحو صيفي حندفع نفس المبلغ 3000 رغم انه الساعات اقل ومحدده ومع هذا راضيييييييين انتو المستفيدين فيه رسوم اضافيه رح ندفعها ف الصيفي بعدد ساعات اقل


حل رابع وهذا للاسف حرام حرام يوصل فينا الرغبه ف التخرج مقابل التحطيم الي نشوفه انه نقوله نزلولنا مواد ف الصيف بدون محاضرات حنا قابلين بس مواد ومنهج وخطة الماده وتاريخ الاختبار والساعات المكتبيه بسسسس نسال فيها . مع انه كللللل الحلول الي قبل انسسب لنا ولكم


هذي حلول وضعناها وحنا طالبات لسسسسا يادوب دارسين كم ماده في اداره عامه هذا مما تعلمنا منكم وضع الحلول مو تاجيل المشكله او اهمالها فمالبالكم لو انتو يامسئولين الي عندكم خبره لو تعطو الموضوع شوية اهتمام انا واثقه رح تجدون افضل الحلول بس انتو للاسف مو حاسين انها مشكله من الاساس عشان تعطونها من وقتكم وجهدكم وتحلوها وهاذ حقنا عليكم ولانحللكم فالاخره

حنا مو طالبه ولاثنتين ترى حنا كثير ومو بس الي متواجدين ووصلنا صوتنا لااااااا ترى فيه كثير يبون صيفي بس اسلوب جامعتنا اعطاهم احباط الي فاقده الامل والي خايفه تحط اسمها والي تقول خلاص امرنا لله لييييييييش كيذا حنا ماطلبنا امر صعب اتمنى اتمنى اتمنى تسمعونا وتعطونا اهتمام فيه ناس بيتغير برنامج حياتها سوى وظيفه او زواج او اطفال بسبب انهاء الدراسه او عدم انهائها نبي صيفي لااكثر وبالطريقه الي تبونها راحت اعمارنا ......


اسفه بنات على الاطاله بس رح انفجر دخلت اكثر من موضوع وكلها من حقووووووقنا وبدايه قويه وانتظر النهايه !!!!!!!! بالمقابل لو الاستاذه تبي شي من الطالبه تلقاه بدون معاناه لو شئون الطالبات تبي شي من الطالبه يقفلون موقعها الجامعي ويكتبون عليكي مراجعة الشئون وتروووووح الطالبه وتراجعهم وتشوف طلباتهم وتنفذها والطالب اذا يبي شي !!!!!!!!!!! رغم انه هو نواة الجامعه ومو موجوده الجامعه الا عشانه

اتمنى يوصل صوتنا لو اعرف احد يوصل صوتنا ماتاخرت بليز لايكون موضوعنا بلاجدوى