اساسيات المحاسبة 101 شرح خاص

[بتال القوس]

المشاركة الأصلية كتبت بواسطة ماهر 111 ان شاء الله ماتشوف شر وتقوم بسلامة وتكون بأفضل صحة وحال وبالنسبة للمفردات أخي الكتاب المطلوب 1432- 2011 وأن شاء الله أنها تكون جديده المفردات لأنك عارف خلاص المفردات موجوده في الموقع والأختبارات قربت والكتاب السابق نفس المؤلفين ولاكنه مرجع مساعد للكتاب الجديد وحسب ماذكرو بأنهم قامو بإدخال تعديلات عليه مناسبه وبالنسبه لذكرك لأسم الدكتور زياد ايش باقي أسمه زياد الأيش لتوضيح أخي فقط وهل مادة المحاسبة 101 عند دكتور واحد أو عدة دكاتره ماسكين طلاب الأنتساب .... ويليت أخي الفاضل تزودنا بإسماء دكاترة المحاسبة 101 لأن الشعب والله حتى الأن ماطلع فيه شي وفقك الله وجزاك خيراً وتقوم أن شاء الله بأحسن حال وتكون بصحة وسلامة

هلا اخوي ماهر انا باذن الله راح احضر الدورة لانه عندي 6 مواد لازم احضر اشوف ايش المفيد من الدكاتره ...

بالنسبة للدكتور زياد والله ما اعرف باقي اسمه لكن دكتور مصري قصير واصلع ويلبس نظرات عدساتها كبيره شوي عشان تعرفه انتبه قصير لانه في دكتور مصري طويل وفيه لتغه في لسانه شرحه مره ما ينفع ابعد عنه اسلوبه صعب وانصحك انك تروح بدري عشان تحصل لك مكان عنده .. اتذكر قبل سنتين اللي ما يجي قبل بداية المحاضرة بربع ساعة اقل شي ما يحصل له مكان وجيب معاك دفتر عشان تكتب معه وركز معه وسجل كل نقطة هو يطلب اكثر شي الكتابه وره وهذا شي رائع منه ....

بالنسبة للمفردات طالما انك بتحضر الدورة افضل شي انك تسجل المفردات من الدكتور مباشرة لان كل الدكاتره قبل بداية شرح اي مادة يعطيك مفرداتها والافضل انه يقول لك على ايه تركز ..

بالنسبة للدكاتره خليك منهم كلهم ركز كل اهتمامك على الدكتور زياد وراح تدعي لي من قلبك هو صحيح مو دكتور المادة لكن افضل من دكتور المادة الي اعتقد انه دكتور سعودي ..
واهم شي يعطيك زبدة المادة وكل درس تاخذه على طول ذاكره في البيت واهم شي تعرف تفرق بين الاصول والخصوم
والاصول المتداولة
والاصول الثابتة
راح اعطيكم اسئلة اخرى غير حقت اليوم عشان تعرفون كيفيت المذاكرة وعندي نماذج اختبارات لسه ما نزلتها راح انزلها لكم هي عندي في العمل وانا لي فترة متغيب عن العمل بسبب مرضي ..