مين الي تستاهل تبكي عليها

[عاشقة الندى]

السلام عليكم ورحمة الله وبركاتهــ
كلامك صحيح ياريفان ميه ميه بس يمكن لانك متزوجة وعندك بزورتك الله يخليهم لكي فتحسي انك مو محتاجة لصديقات لانو وقتك يادوبك يكفي عيلتك الله لايحرمكم من بعض...
بس انا مثلا او كثير من البنات محتاجين يكون عندنا صديقات مقربات نشكيلهم وناخد رايهم لانو عندنا وقت فراغ كبير...
بس من ناحية اني ابكي عليها بصراحة على حسب مو اي وحدة ينبكي عليها في بنات تنحط عالجرح يبرا وفي بنات لا والله ماتستاهل انزل دمعة عشانها والوحدة فينا صارت كل يوم تكتشف حاجة جديدة يعني انا صاحباتي من يوم ماتخرجت من الثانوية كأنك حطيتهم في منخل كل فترة تختفي وحدة رغم اننا كنا شلة كبيرة بس دحين صفيت انا وحده الله يخليها ليا وهيا اعتبرها كاتمة اسراري وان شاء الله مايجي اليوم اللي اخسرها فيه ...
معليش طولت مره بس اندمجت مع الموضوع ولو عليا محا اخلص قرقرة الين بكرة...

يسلمو عالموضوع يارورو..