الأم عزة الزهراني تضرب وتكسر يدها ..!!

[زهور العشب]

يا جماعة الخير صلوا على النبي وفكروا شوي بعقلانية
انا معكم ان اللي صار لها مايرضي مسلم بس والله حكامنا فيهم الخير والبركة يعني لو تروح للأمير نايف شخصيا او حتى تروح لمجلس الملك صدقوني راح ياخذون لها حقها و راح ينحل موضوعها يمكن باكثر مما تتمنى والهمج اللي اعتدوا عليها وعلى بنتها ياخذون عقابهم الرادع وكلنا سمعنا عن التعامل الراقي للحكومة مع الارهابيين واللي جايين من غوانتانامو اللي صام رمضان مع اهله واللي عيد مع اهله واللي تزوج لدرجة ان بعضهم استغل الطيبة هذي ورجع لضلاله القديم
وايضا سفير السعودية في مصر يوم طلع له مقطع يرفع صوته على وحدة سعودية بسرعة شالوه
صدقوني لو راحت للامير نايف شخصيا ماراح تندم لكن سالفة المقاطع هذي تضر اكثر مما تنفع
وراح يستغلونها اعداء البلد ويطلعون الكلام الموجود فيها على انه هو النظام السائد في البلد وانتم شايفين عنوان المقطع كيف يوحي بهالشي
يا اخوان حكموا عقولكم شوي والله آل سعود طيبين بس الله يكفيهم شر البطانة الفاسدة واحنا لو وصلنا صوتنا لهم راح نساعدهم يكتشفون هذي البطانة
آسفة على الاطالة بس حبيت اوضح بعض النقاط
المحقق كونان وتركي الحربي اعقلوا الله يصلحكم وش ثورة وما ثورة طالعوا في البلدان حولنا عشان تعرفون وش هي مكاسب الثورات