أنا فاشل أو الهندسة فاشلة !!!

[وما توفيقي الا بالله]

المشاركة الأصلية كتبت بواسطة sultanooh ذكر المواد يسبب لي احراج لأن قد من يقرأ ردي تكون المادة لديه سهلة جداً فلذلك لا أريد تعريض نفسي للحرج آمين تسلم على الدعوة الله يفرج هموم كل الناس

توقعت منك انك تذكر لنا موادك لهذا الترم حتى تتضح لنا الصوره اكثر .. لكن نصيحه مني واعتبرني اخوك لأني مريت بنفسك ظروفك وهذي عضويتي الثانيه في هذا المنتدى وكنت اكتب مثل ما تكتبه الان ولكن جلست مع نفسي وحددت ايش هيا المعوقات اللي تمنعني من اجتياز المواد بنجاح او بتوفق مع العلم اننا جميعنا كنا متفوقين في شهادات الثانويه .. فاكتشفت ان معوقاتي هي تأخير متابعة الدروس .. ضياع الوقت على المنتديات والبرامج .. متابعة مباريات حتى اخر الليالي .. التغيب عن المحاضرات .. عدم النوم بشكل جيد يوميا .. ايضا شراء الكتب والملخصات في بداية السنه من البدايه .. تتنزيل موادي في الاودييوس من الاسبوع الاول .. السهههههههر الزايد عن حده في وعدم استغلال يومي الخميس والجمعه في المذاكره .. كثرة خرجاتي مع الاصحاب للرفاهية في وسط ايام الدراسه .. عدم التنظيم في كل شي فاشل في التنظيم وترتيب جدول يومي

المهمممم سجلت كل هالاخطاء في ورقه احتفظ بها الى الان .. و كان وقتها باقي يوم على حذف الترم الدراسي ..

واستخرت ربي في صلاه اخره الليل اتذكرها حتى يومي هذا وبعدها سجلت في المنتدى من جديد بهذا الاسم "وماتوفيقي الا بالله " وايقنت ان التساهيل والتفوق والنجاح والاداراك والفهم كله من الله , والقدرات والامكانيات هذي سبب فقط لا غير ..

اتمنى منك اخوي

انك تشيل من راسك فكرة ان الدكتور يحاول اسقاط طلابه او تعمد ذلك , ثانيا لا يكون مخك مومري او حافظه لكلام بعض الفاشلين اللي غرسو فيني بعض الاشياء اللي مو طيبه زي " ماث 202 مقبرة الجامعه " ومن هالكلام .. انت خذ كلامهم من باب الحذر وتجهيز نفسك بفهم الماده .

ثالثا : اكتب مواد جدولك للترم الجاي مواد متوسطه الى سهله لا تزيد عن 5 مواد حتى ترجع لك الثقه من جديد وتبدأ بدايه صحيحه

رابعا : شوف نفسك انت كم الساعات اللي تذاكر فيها مواد على مدار الاسبوع

خامسا : اذا تبي تفهم موادك لازم تجلس يوميا اقل شي ساعتين على دروسك ماعدا الاربعاء خذها راحه وتغير جو

استغل صباح الخميس وصباح الجمعه في المذاكره

# اغلب مواد الهندسه لا تحتاج للنضر الى المسائل وتقول فاهم !! لازم تحل بنفسك على الورق
# لازم ترضى بامكانياتك مو شرط تتخرج بتفوق اعرف شباب تخرجو بنسبة 2.50 وعانو كثير في الهندسه والان هم خبره في العمل ورواتبهم في ازدياد الله يزيدهم ..


الواجبات والتقارير هذي جزء من ساعات دراستك .. لما تحل واجباتك يعني الشابتر اللي تحل فيه لازم تكون فاهمه حتى ماتكون متأخر في متابعة دروسك ..


واهم شي لاتنسى الدعاء والصلاه ف اوقاتها وادعي ربك دوما بتيسير الامور .. ورضى الوالدين عنك ..

الله يوفقك يارب ,,