موضوع شهــــي ||,,حـــــــلا ســفرة من يدآتي -> بالصور :) أتمنى أن ينال استحسانكم ~

[الدُنيا مدرسة]

السلام عليكم ورحمة الله وبركاته صبــآح/مســآء الجوري لأحلى بنوتات ,, بما إني من عشاق الحلا < والقهوة برضو دايما أسوي حلا ويا تزبط معي يا أخبصها فمرا دخلت النت ولقيت طريقة حلا واتحمست أسويه وفعلا سويتو وسألوني كثيير عنو واليوم حابه أهدي لكم الطريقة وأشوف آرائكم فتطبيقي طريقة الحلا المقادير: ٣ بيضات < أنا حطيت ٢ بالمرة كفاية كاس سكر ناعم < طحنته يطلع أحلى نصف كاس زيت ٤ ملاعق حليب بودرة علبة زبادي ملعقة صغيرة فانيلا< حطيت نصف العلبة كذا أحسن ماتطلع ريحة البيض ربع غطا الخل (خل) << عادي لا تستغربوا كاس دقيق كويتي ملعقة كبيرة باكنج باودر ب) نجي للحشوة: ٢حليب نستلة صغير ٤كيري نصف قشطة قيمر< استخدمت قشطة المراعي العادية برضو متماسكة زي قيمر العلبة صغيرة حطيتها كلها ج) التوفي: فنجالين سكر علبة قشطة نصف ملعقة صغيرة زبدة نجي للطريقة: الكيكة نسويها عادي زي كيكة الزبادي نخلط المكونات بالترتيب بالمضرب الكهربائي وآخر حاجة الدقيق والباكنج باودر. نصب نصف الكمية فصينية بايركس ولاحظي إن الكمية حتكون قليلة يبغالك بالملعقة تساوينها بتكون مرة رفيعة,, دخليها الفرن من تحت ومن فوق بعدين روحي سوي الحشوة (ب) على بال ماتجهز الطبقة الأولى و إذا جهزت حطي الحشوة ورجعيها الفرن تتماسك وانتبهي لاتحرق بعدين خرجيها وحطي باقي الكيكة في الفرن من فوق وإذا استوت سوي التوفي وصبيه من فوق وزينيها زي ماتحبي.. أنا نوعت لوز وجوزهند وفرولة وجالكسي كسرته طلع جووونآآآن.. أترككم مع الصور وبالعـــــــــــــــــــآفية ,, الدُنيا مدرسة