استاذة اقبال الصالح نظم معلومات اداريه

[فوفو777]

بنات اش رايكم في استاذة اقبال سعد الصالح تبع نظم معلومات اداريه 334انا ماحضرت معاها وقت السنترا اسمع التسجيل ولاحظت عليها انها بس تسب البنات وتقول قلة ادب واتفضلوا اطلعوا من المحاضرة اللي بيتكلموا وانا مضيعه وقتي عشان اعطيكم معلومه وانتم تتكلموا مع بعض شات واخرشئ قالت باخذ اسماء البنات اللي اتكلموا وانقصهم 5 درجات بصراحه خوفتني وكمان لو اي احد طلب منها تعيد معلومه تقول اسفه ما اعيد اسمعي المحاضرة وعيديها

طيب هي بتشرح وبتاخذ فلوس يعني ما تتصدق علينا بمعلومه وكل الاستاذات الطالبات يتكلموا بشات بس ما يسبوا الطالبات انا اول وحدة تمر عليه بنفس اسلوب هذي الاستاذة واذا موا عاجبها الوضع ليه ماتقفل الشات بين الطالبات بس ماتسب حنا موا حيوانات عندها وكلنا كبار يمكن تسب طالبه اكبر منها
وتقول اذا تيغون تتكلمون مع بعض اطلعوا واتصلوا واتكلموا جوال نرفزتني ليتني موجودة كنت بقولها ماعندي رصيد

المهم اش رايكم في الاستاذة والتصحيح خايفه تكون ترسب