هام..ارجو من الجميع الانتباه..

[لؤلؤة*]

السلام عليكم ورحمة الله وبركاته

بدايه اتمنى للجميع التوفيق والسداد في اختباراتهم وأنه يناالو الدرجات العليا في الدنيا والاخره واسال الله العظيم
أن يفتح علينا فاتحه خير في كل امورنا ..

بدأت الاختبارات وبدأت شدة الاعصاب لدى الطلاب والطالبات لاكن للاسف هناك ظاهره منتشرة اممم ماراح اسميها
ظاهره منتشرة لانها شي غريب بل بالعكس الكل شايفها عادي ولو ماسواها الواحد ممكن يموت ..
( الغش ثم الغش ثم الغش ) وماأدراكم مالغش .. الكل راح يقول موضوع تافه بسيط مايحوج روتين عادي
اذا الطالب او الطالبه شايفينه عادي فهو عند الله عظيم ..
ليش أغش عشان ماذاكرت؟ مامداني؟ مافهم ؟ ماركز؟ شيء بدمي لازم أغش ؟........الخ
لو بس كل واحد جلس مع نفسه وراجع نفسه وعرف اش يعني الغش كان والله محد فكر يغش حتى لو ورقه صاحبه بين
يده .. اليوم غشينا وعدى االاختبار وخرجنا مبسوطين .. طيب غدا لمن نوقف امام الله بالساعات والايام والسنوات على
ربع الدرجه للي اخذناها بالغش تصدقوا انه ربع درجه بس توقفنا امام الله اجل كيف اللي طول عمره قاعد يغش
والاساليب الجديده للي طلعت بالغش ابرشم انقش الجوالات الاوراق ..
قال عليه الصلاة والسلام : ( من غشنا فليس منا ) >>> أحد فيكم تعمق في معنى هذا الحديث قال عليه الصلاة والسلام ليس منا..
سمعت وحده من المحاضرات مره تقول انه لمن تغشي بالاختبار في ماده من المواد وتوقفي امام الله ..ربك راح يسأل صحبه الماده الاستاذه اذا تسامحك ولالا ؟؟؟ شايفين الامر سهل نقول هذا اولا
ثانيا اش هدفنا من الدراسه غير نتعلم ونستفيد ونكسب اجر مو عشان حلم كل واحد فينا انه يتوظف الوظيفه للي الكل تعب وسهر عشان يوصلها تخيلوا الغشاش بمعنى اصح مايجوز يستخدم المال للي يتوظف فيها لانها مال حرام ليش المال حرام لان الشهاده للي توظف فيها اخذها بغش في بعض المواد ... شفتوا الامر وصل لوين
حتى وحده قالت لي انه امها منعت ولدها يتوظف بشهادته لانها خايفه عليه من المال الحرام لانها عارفه انه غشاش
وطلبت منه يحضر شهاده ثانيه بدون مايغش فيها ويتوظف فيها ..<<< يعني تعب السنوات راحت
يعني اقتصاص وسرقه حق غيرك ومال حرام ....اتقوا الله حق تقاته
حبايبي والله قلبي زي النار لمن اشوف البنات يفتحوا اوراقهم لبعض او ممكن البنت ماتغش بس تساعد صحبتها تغششها
طيب حبيبتي انتي وصحبتك تاخذو نفس الذنب الغشاشه وللي تغشش كمان .. والله مو مدح في نفسي انا وصحباتي مانجلس بالاختبار الا جنب بعض ويشهد الله علينا نطلع من الاختبار ومحد عارف اش صار مع اللي جنبه عشان احنا مانفكر بالشي ذا ..
اذا شايفين كلامي تافه فاتذكرو انه عند الله عظيم ..
اسفه على الاطاله بس اتمنى من الطالبات والطلاب يفكرو بكلامي ويبدؤو بدايه جديده من بدايه الاختبارات ويصفوا دمهم من مرض الغش فكر بفلوسك للي راح تشتغل وتسهر وتتعب عشانه عشان تاكل منه لقمه عيشك وتأكل من اولادك حرام نأكل اولادنا من مال حرام ..
كل واحد يذاكر ويسوي للي عليه والله بيعطيه باذن الله ع قد تعبه
واسال الله لي ولكم التوفيق والسداد