| مواقفكم في الإختبـآرات |

[Aishah AL-farhah]

-

الاختبار : دوري
المادة : علم الصوتيات
الأستاذة : من النوع الي ماينفع معها يمه ارحميني
الحدث : إثارة شغب داخل القاعة
مسبب الحدث : فار
الشرداة الوحيدة اللي نطت من فوق الكرسي ونوتها شردة وحطت رجلها وورقة الاختبار بيدها " عائشة " الي هي محدثتكم

طبعًا أنا شفت البنات يتقافزون على كراسيهم ، ومدري وش السالفة ، يوم طالعت بجهتهم شفت شي منطلق عليّ عاد وش هو مدري من سرعته ما قدرت أميز إلا أنه شيء كبير منطلق عليّ ، المهم إن صار فيني فجعتين ، الأولى يوم شفت البنات يتقافزون ويصرخون والثانية يوم شفت هالشيء منطلق بسرعة 300 جهتي ، وكانت النتيجة شردة ألييييمة

لكن الأستاذة صرخت صرخة مدوّية خلتني أستوعب وضعي قبل ما أكمل الشردة ، وأوقف شوي وأشوف إن الهرجة فيها فار ، وهالفار شارد شردة أكبر من شردتي ثم رجعت لمكاني وأنا منحرجة كثييييير لأني الوحيدة الي شردت الباقيات صرخوا ورفعوا أرجولهم على الكراسي وبس

نعيش وناكل غيرها