رأيكم في الدكاترة ؟؟!!

[Y2K]

السلام عليكم و رحمة الله و بركاته

كيفكم ان شاء الله كلكم تمام بعد الترم المتعب هذا ,, و بما اننا في نهاية السمستر و الكل خلص حبيت افتح موضوع عشان استفيد منه و افيد غيري

هوا انو كل طالب يكتب ايش درس السمستر الماضي من مواد الخطة و الدكتور الي درسه و يكتب عن الدكتور ايش عيوبو و ايش حسناتو أو يقيمو بشكل عام و يقيم المادة

عشان لما احد يبغى ينزل مادة من الخطة تكون عنده فكرة عن الدكاترة و يختار الي يناسبه
و انا راح أبدأ

جدولي كان

1- تمويل عند الدكتور حسام الملكاوي : الدكتور بصراحة كشرح كان كويس و في الاختبارات ساعدنا و اعطانا القوانين في اول اختبار رغم انو الدكتور العيادي كان معارض الفكرة , الدكتور يحب الي يحضر معاه و يشارك راح يكرمه بالدرجات , اما قليل الحضور و المشاركة ما يساعده ابدا هذا الي انا حسيتو يعني الدكتور اعطيه 7 من 10

2- النظم عند الدكتور محمد يمين : النظم اكثر مادة كنت مستسهلها و اكتر مادة جبت فيها العيد بسبب اختبار البنات , الدكتور مزااجي لابعد الحدود احيانا طيب و احيانا يجي مو طايق احد , في الدرجات يساعد و يعطيك بورتفوليو تسلمو في نهاية السمستر و ما يعطيك الدرجة عليه لحالو يشوف حضورك كمان , متشدد في مسألة الحضور و الغياب , في النهائي ضحك علينا قال ذاكرو من التست بانك ما راح اسمح لقسم البنات يحطو الاسئلة و ذاكرنا التست بانك و لااستفدنا شي بصراحة مرة انقهرت من الحركة و كرهت الدكتور اعطيه 5 من 10

3- اعداد التقارير عند الدكتور الفلسطيني و الله نسيت اسمو هههههه : كانت شعبتنا تداوم احد و ثلاثاء 4 ساعات يومين اسبوعيا , الكتور طيب لابعد الحدود و يبغاك تتعلم , صراحة استفدت منه علمنا كيف نسوي برزنتيشن زي الاودام , و قلنا ما راح اعطي اي احد دي ان رغم ان في نااس كثير المفروض ياخذو دي ان و انا واحد منهم , و كان يعطينا دايما بونس بعد كل اختبار دوري , بس الكلاس حقو ممل جدا لانو باارد عشان كدا الغياب كتير اعطيه من 9 من 10

نزلت مادتين ثقافة و نزلت مادة حرة سيرة نبوية بس انا حبيت اتكلم عن مواد الخطة بس

أتمنى احد يفيدني عن مواد السمستر الجاي زي السلوك و التحليل الكمي و الموارد البشرية

و شكرا