إلى طلاب med12

[aloneil]

السلام عليكم ورحمة الله وبركاته

أول شيء حابب أعرفكم بنفسي أنا محمد من طالب من طلاب med12

بصراحة أنا جداً سعيد بتعرفي على الطلاب الي عرفتهم من دفعتي (med12) وأشعر بسعادة أكثر وأكثر لمن يجي في بالي إنو لسى حتعرف أكثر لأنو بصراحة إنتو حتكونو إخواني الي راح أقضي معاهم 6 سنين من عمري وراح أقضي وقت معاكم أكثر ما أقضي وقت مع أهلي في البيت .

الترم الأول راح يكون من أصعب الاترام الي راح تمر علينا لأنو راح يكون شيء جديد علينا لأنو راح يكون في معلومات كثيرة لازم نحفظها والوقت ماراح يساعدنا كثير راح تكون علينا كمية ضغط كبيرة وعلى قولت أحد الطلاب "راح يكون في حشو معلوماتي" فنحنا كطلاب دفعة وحدة نحتاج إننا نتعاون ونكون يد وحدة ونشجع بعضنا البعض لأنو راح تمر علينا أوقات صعبة وإن شاء الله كلنا حنكون يد وحدة متعاونين نشجع بعضنا البعض .

نصحني أحد طلاب الدفعة الي قبلنا بأني أستغل الوقت الي باقي في الاجازة بقراءة بعض مواد الترم الأول وبالذات مادة المصطلحات الطبية هيا مادة سهلة ماراح نتعب فيها إن شاء الله لأنها مادة ماتحتاج أحد يشرحلك هيا وهذا سبب إنو نصحني أقراها في الاجازة وإذا قدرت أقرا مادة أو مواد أخرى مافي مشكلة زيادة الخير خيرين

هذه النصيحة هوا مانصحني بيها أنا لوحدي ولكنو نصح كل الطلاب الي يعرفهم وأنا حبيت أقلكم هذه النصيحة وإن شاء الله ربنا يكتبلو الاجر ويوفقو في دراستو .

هوا نصحني بكتاب The language of medicine لــ Chabner

هذا رابط مكتبة إلكترونية موجود فيها بعض الكتب لكن للأسف كتاب المصطلحات الطبية رابط التحميل حقو خربان حاولت إنو أدور على الكتاب لكني مالقيتو وإن شاء الله لو لقيتو راح أحطلكم هوا على طول
http://www.skaau.com/vb/showthread.php?t=107599