تجمع الحاسوبين والحاسوبيات المستجدين =)

[asma'a]

المشاركة الأصلية كتبت بواسطة dosh مرحبا والله كل بعد يومين ادخل واقرا الردود احس حالي جالسه بتوهه اكتر واكتر انا مره حابه قسم الحاسب ومتحمسه له مع اني ما كونت افكر غير بالهندسه بس حاب احد يفيدني الان كل همي اول ترم كيف راح يكون ما همني التخصصات ابغى احد يقول اول ترم 1- ايش راح ادرس ؟ 2-كيف طبيعة المواد فهم ولا حفظ ؟ وكم ماده؟ 3-كيف اضبط جدولي ؟؟ 4-هل يوجد خطة دراسيه جاهزه من حيث الجدول ؟ ولا انا اعمل جدولي بكيفي؟ 5-وين موقع المبنى الي بندرس فيه؟ في سوال بعيد عن المنهج حاب اسال بنات السلمانيه بالنسبة للزي الجامعي ايش راح يكون ؟؟ وياليت احد يتكلملي عن طبيعة اول ترم او يتكلم تجربتها باول ترم كيف كانت ياليت احد يجاوب على اسئلتي وربي يوفقهه

ي بعد تسبدي لا تضايقي حالك ابدا ..

واللي مكتووب ليكي حتاخذيه ان شاء الله ..

ياللا بسم الله حجاوب ع أسئلتك

1- حتدرسي برمجة 1 لغة الجافا + اساليب كتابة علمية انو كيف تكتبي بحث وسيرة ذاتية وكيف تعملي بريزنتيشن وكذا + حتدرسي احصاء عن الاحتمالات كلو والمنهج قصير ترى + حتدرسي حوسبة مواضيعها عن نظم التشغيل والشبكات ... الخ..
2- شوفي اللي لازم تاخذيها عشان تتخصصي 4 + ممكن تاخذي ثقافة او عربي (اللي حاباه) وممكن ماتاخذيهم كمان :p .. وطبيعة المواد فهم .. يمكن بس الحوسبة تحتاج شويا حفظ عشان المقارنات + لو درستي بذكاء واعتمدتي ع فهمك حيمشي الحال معاكي ان شاء الله لأني بكتب من فهمي غالبا والحمدلله الوضع تمام
3- الجدول هما حيعملولك هوا وانتي ماحتعملي شيء .. غير انو ممكن تلغي الثقافة لو مابدك هيا ..
4- هوا عشان الحاسب نظام سنوات وعشان البنات مايخبصو جداولهم وعشان مافي اترام صيفية وكذا (قصدي بالنسبة لمواد التخصص ، أما العامة والحرة تنزل صيفي ) فالافضل تلتزمي بجدولك والخطة الدراسية تبعك لأنوو اغلب المواد الموجودة في خطتك ماحتنزل غير في الترم اللي هما حاطينو :)..
5- موقع المبنى ورى 420 .. هوا مبنى جديد لسى ومرررتب وكشووخي مررة

وبالنسبة للزي زي منتي حابة .. بس الشؤون احيانا عند البوابة يوقفوو في حلقك لو البلوزة قصيرة .. لكن لو تلبسي لاب كوت محد يهرجك ..

وأول تررم اكتشفت انو ممتع وسهل ع آخروو واكتشفت اني حملت نفسي هم بزيادة وأعطيت الترم أكبر من حجموو ويررجع دا كلوو للاهمال حقي طبعن :p ..

ولا تخافي وتشيلي هم .. بس اهم شيء حاولي تقري محاضراتك أول بأول ولو احتجتي شيء لا تستحي واطلبي هنا او اسألي اي بنت اكبر منك في الجامعة ..

ترى البنات متعاونات ان شاء الله وحتحبيهم

بالتوفيق ي قلبي

دمتـِ بخير

-----------------------------

سيرين
ي ررب تنبسطي عليها

بالتوفيق

دمتـِ بخير

-----------------

ثامر + الحمد الله على كل حال

+1

صح عليكم ..

بالتوفيق ..

دمتم بخير ..