طلعت نتائج السكن

[losfer]

المشاركة الأصلية كتبت بواسطة 7to0m حلو جدا اذا كذا لكن على كلامك انه سكن رابغ انا انقبلت بالسكن الرئيسي بالسليمانية اذا انه نفس رابغ تمام !

سكن الفرع الرئيسي في المباني الجديدة الغرف الفردية مساحتها صغيرة نوعاً ما وموجود في الغرفة سرير بالفراش والمخدة وثلاجة ومكتب وكرسي ودولاب ومكيف .
هذي التجهيزات الأساسية والباقي تجيبه بنفسك .
الدولاب مركبينه داخل الجدار يعني ما ياخذ مساحة من الغرفة .
مقطع الفديو اللي فوق ممكن يعطيكم انطباع صادم لأنه أولاً مأخوذ لغرفة من المباني القديمة بينما المباني جديدة الوضع فيها مختلف وأشبه بالصورة اللي وضعها الأخ لسكن رابغ
وثانياً وأهم من كل شي منظر الغرفة وجوها وتأثيثها والترتيب اللي فيها هذا كله راجع للساكن فيها وشخصيته , ممكن تلقى غرفتين جنب بعض وحدة كأنها في فندق 5 نجوم والثانية غير صالحة للاستخدام الآدمي , العمادة توفرلك الأساسيات وأي شي ودك تزيده محد يمنعك .

بخصوص دورات المياه أعزك الله في كل دور يكون فيه مجموعتين من الدورات خارج الغرف يعني ويتم تنظيفها بشكل دوري .

أتمنى أكون أفدتك عزيزي .