تجربتي مع اختبار القدرات يوم الخميس..^_^

[أمل وعندي أمل]

أنا إختبرت ف تبوك
صراحه اكثر شي قهرني يآخرونا لين تكتمل البنات
والله حست بالإختبار في اشياء كنت اعرفها ومن التعب والإرهاق ماقدرت حتى افكر
وللحين وأنا ودي اعرف شنو طلعت بالنهايه مهنة الدهان بالله اللي متأكده من الإجابه تحطها لنا هنا
لحست مخي وماعرفتها
يارب اجيب درجه زينه بالقدرات
أما ستيب ياحست فيه حوسه وصار لي موقف وترني وخلاني حتى اللي اعرفهم إخترت خطأ من الربكه
طبعآ أنا جايه من مكان بعيد تقريبآ 700كيلو ومن وصلت من السياره للإختبار وكانت معي صديقتي وكانت متوتره مره
وأنا مروقه ع الآخر وطول الطريق وأنا أضحك
المهم دخلنا الإختبار وأنا كل شوي اطالع بصديقتي ومبين اللي جايبه العيد
هذا وقت السماعي بعده بدأ الجزء اللي بعد السماعي
وأنا من الغباء مدري وش صار لي حسيت مخي وقف عن العمل
المهم الجزء اللي بعد السماعي انا أحسب كل صفحه لها وقت طلع اللي ورى الصفحه تابع لها
المهم لما قالو اقلبو الصفحه انا قلبتها ع اللي تابع للجزء الأول واستغربت من الغباء كل هالوقت ع 4اسئله بس
حليتهم وصفطت ههههههههه حسافه ياأنأ ياحسافه ياأمل كيف صرت غبيه كذا
المهم لمحتني صديقتي وتقريبآ باقي سبع دقايق بس
وصكت لي حواجبها وكأنها تسأل وشفيك خلصتي قلت إيه هزت راسها مستغربه وكملت حل
أنا هنأ بدأ المخ يشتغل شوي وقلت يمكن انا غلطانه وانتبهت لألوان دفاتر البنات وإلا مونفس لوني
اللي قهرني انا مخي تعطل بس المراقبات ليش مراقبات كل هالوقت وانا مسطبله على لوني الأول ولا وحده قالت ياغشاشه اقلبي الصفحه عشان افهم
المهم السبع دقايق كفتني ولحقت حليت اللي اعرفه
وأبشركم بعدها مخي تمام وماعلمت صديقتي عشان ماتضحك علي مثل ماضحكت عليها
وإن شاء الله ماتجي تقرا ردي هنا وتتعرف ع غبائي اللي خبيته عليها
بس والله ضليت من الموقف متوتره حتى بالقدرات
بس ان شاء الله ربي يعوضني عن طيحة قلبي واجيب الدرجه اللي ابي
صح نسيت أقولكم بآخر قسم خلصت باقي دقيقتين قلت اشيك ع صديقتي
لفيت اطالع لها وإلا بنت ابوها يوم شافت الوقت قرب يخلص سكرت دفتر الأسئله وحطت ورقة الإجابه فوق الأسئله وجلست تضلل ع عماها ومن طلعنا وأنا اضحك عليها وماتدري عن غباء أمل وإلا كان عيرتني فيها سنتين قدام
بس الحمدلله