تجمُع طآلبآت بحث وتدريب - د/ أمل دمنهوري ~

[berin]

مرحبا بنات

رحت للدكتوره يوم الاحد اول مره اروح لها

اعطتني نفس الايميل اللي البنات حطوه هنا

ايميلها اللي على الهوتميل

طلبت منها رقم مكتبها تقول موحافظته

طلعو الشيب في راسي لين طبعت الاوراق وختموها

لان كل مره يصير فيه غلط مانتبهنا له في الاوراق وارجع اطبعها

وهم مايتغاضون عن الغلط لو كان بسيط ومايستاهل

يحسسونك ان هالخطابات بتمر الديوان الملكي!

فنصيحتي لكم للي لسى ماطبع الاوراق وختمها

ينتبه زين للي مكتوب قبل يطبعها والا ترا بيرجع يعملها من جديد


الدكتوره قالت نفس الكلام اللي قالوه البنات هنا طالبه تقرير واستبيان واعطتني الملزمه اللي فيها الخطوات اللي نمشي عليها

مشكلتها انها من النوع المتطلب يعني متعبه الصراحه ماتبي اي شي

رفضت اتدرب ببنك رغم اني كنت مجهزه نفسي على هالاساس ومحدده المكان قالت لالا مابي بنوك قلت ليش طيب :(

قالت لان الطالبات اللي راحو بنوك مايشغلونهم بس يوقفونهم عند الباب ويستقبلون ومدري ايش
تدربي في شركة في مجال تخصصك
شرحت لها ان انا ساكنه في منطقة مافيها شركات بس اني بروح اقرب منطقة لي اقدر اتدرب فيها
كنت ابغاها توافق اروح مدرسه بس للاسف مااهتمت في ظروفي ولاصعوبة البحث عن الشركات الدولية

مهمه اشبه بالمستحيلة لبنات المدن كيف للي عايشين في مناطق صغيره

اصرت على رايها قالت لازم تلاقي مكان في مجال تخصصك


الله يعين من لما رجعت وانا افكر ايش بسوي

وين اتدرب بحثت في قوقل عن الشركات الدولية في المملكة بس مالقيت معلومه مفيده

ابغى اسماء الشركات اللي ينفع نتدرب فيها في الشرقية بما اني ساكنه فيها

حتى لو في الرياض مش مشكلة اروح هناك بس اهم شي نلاقي شركة تقبل تدريبنا


اذا تعرفون اي شي يفيدنا يابنات خلونا نساعد بعض