اجراءات الحصول على تصنيف اخصائية اجتماعية وتجربتي

[ميمي_غامد]

السلام عليكم
كنت مأجله اكتب الموضوع لبعد الاختبارات بس فكرت ان الحين انسب وقت لان كثير منكم يدخل المنتدى ايام الاختبارات وبس تخلص الاختبارات ماتصدقون تفتكون من المنتدى واي شي يذكركم بالدراسه

---

**بدخل في الموضوع ع طول وإن شاء الله افيدكم وتوصل المعلومات الهائله الي راح اذكرها **

_اولا: يفضل انكم تأجلون الخطوه هاذي بعد التخرج ليش؟؟
لانك لو تدربت الحين محد داري عنك مابتستفيد شي لاخبره ولادرجات

ثانيا: انا مع المثل الي يقول (لاتؤجل عمل اليوم الى الغد) يعني بس تخرجت من هنا مع بداية السنه الجديده ع طول رحت الهيئه والحمدلله هذا الشي كان في صالحي وجايتكم الحين في الكلام بقولكم ليش

ثالثا: قبل مااروح للهيئه عرفت ان في دورة cbr (انعاش قلبي رئوي) ضروريه لاي شخص يبغى يحصل على التصنيف او يشتغل في الصحه وتكلم عنها الاخ عواض ومااقصر الموضوع شامل
انا اخذتها في مركز الدكتور احمد الغامدي ب 350 ريال دورة مدتها اربع ساعات وبعدها اختبارتطبيق و تحريري والكل ينجح مافي رسوب
_توجهت للهيئه ومعايا اوراقي كلها وصور منها سألوني متى تخرجت واعطوني ورقة مكتوب فيها مدة التدريب 3 شهور وعن كل شهر الف ريال طبعا في بنات قابلتهم تدريبهم اكثر 4 شهور لانهم خريجات اقدم >>

عشان كذا قلتلكم اول ماتتخرجو ارتاحو كم شهر وبعدها قدمو

_قالولي اروح (لمركز التدريب والابتعاث) في مستشفى الملك فهد هو مقابل له ع طول في مبنى لوحدو
_طبعا لمن رحت هناك سددت الرسوم وسالني ع المستشفى الي ابغى اتدرب فيه اخترت الثغر بحكم انو قريب من بيتي
ارسلو خطاب لمدير المستشفى ورئيس قسم الخدمة الاجتماعية الي بتدرب عندو للموافقه ع تدريبي (الاجراءات هنا طولت شوية)

_توجهت للمستشفى واعطوني بطاقة تثبت اني متدربه واخذو ورقة التقييم وبديت التدريب

**الزي الرسمي للكل لاب كوت**

_طبيعة التدريب يختلف كلياً عن الي درسناه لكن امانة ممتع وكل يوم اتعلمت شئ ( ماراح اقولكم التفاصيل لان كذا راح يطول الموضوع ويصير تشتت)

_بعد انتهاء الثلاثه شهور خلصت التدريب وقالي رئيس القسم اروح مركز التدريب والابتعاث مره ثانيه واخذ منهم ورقة (

مخالصة انهاء التدريب

) جبت الورقه اليوم الثاني والحمدلله اعطوني شهادة التدريب والتقييم

_ومن الصباح رحت للهيئه الصحية ومعايا كل اوراقي عشان استكمل اجراءات التصنيف قلت لهم ابغى اصنف شهادتي اعطاني استمارة اعبيها وارتب اوراقي معاها وراح ارفقها لكم الي هيا طلبات التصنيف وطبعا بطاقة التصنيف لها فتره انتهاء ولازم تتجدد ف سالني اذا ابغى 3سنوات ادفع 1460ريال او5سنوات ب 1700 ريال ££ اخترت الخمسه سنوات