سؤال لطالبات الفيصلية عن سكن المتميزة و سكن أسرتي!

[نآريمان]

السلام عليكم
رغم ان الموضوع قديم بس حبيت اشارك فيه حتى يستفيد منه الكل
بالنسبة للاسكانات انا واخواتي جربنا كتير
بالبداية سكنت بسكن اشبه لحظيرة غير البنات اخلاقهم سيئة وللاسف اغلبهم ..اسمو السلطانة كان بحي الصفا واتوقع قفلوه واحسن انهم قفلوه ..
احسن تجربة ليا كانت بسكن ريمية الي بالمكرونة ف الفيصلية ..استغرب ان البنات هنا يذموه والله انه نضيف والنت فيه 24 ساعة حتى ام خالد ماشفت منهاشي ولالي احتكاك فيها استغرب من الي يقول تهدد البنات وتنكر الفلوس ؟ انا سكنت هناك تقريبا سنة بس حبيت اقول كلمة حق انا قبل اسكن عندها حولت لها الفلوس ولما جيت اسكن ماانكرت اني مادفعت بالعكس جيت لقيت السكن نظيف لاناموس ولاصراصير يمكن الي ردت هنا وتقول صراصير ماكانوا مهتمين بنظافة شقتهم والله ان الشغالة كانت اسبوعبا تغسل الشقة بالمويا وتشيل الزبالة وحتى الي تقول حجزت وماسكنت ورفضت ترجع فلوسي حبيبتي شي طبيعي انتي حجزتي الغرفة وبعدين ماسكنتي يعني ضيعتي عليهازباين غيرك حتى الخياط لما تفصلي عنده تديه عربون وان سحبتي منه القماش ماراح يرجعلك العربون عشان يحفظ تعبه فليه الظلم ؟؟
انا ماادافع عنها بس حبيت اقول كلمة حق ف سكن عشت فيه ..افتكر حتى اتأخرت ف الايجار اسبوع وصبرت عليا لاهددتني ولاخرابيط ايش الدنيا سايبة؟؟والشغالات كويسات ماعدا كان في وحدة شايفة نفسها وتصارخ لكن عرفتها مقامها وشكيتها لام خالد ومن بعدها ماعاد رفعت صوتها عليا ... هدي تجربتي ف سكن ريمية غير انو قريب من المطاعم ومن المولات تقريبا

بالنسبة لسكن التواصل اختي ساكنة فيه من خمس سنوات ولازالت ساكنة فيه ..شققه ضيقة ودايم يزيدوا ف الفلوس ودحين بنوا ادوار تانية فصار السقف الي تحت يتشقق ويسرب مويا والله اختي تقول مرة السقف طاح ف غرفة وحدة من البنات ومن ستر ربي ماكانت البنت ف الغرفة وقتها وكمان مافي خصوصية المهندس الي هناك داخل طالع وسط البنات ودايم يشتكوا لصاحب السكن ولايعمل شي..غير ان المويا ضعيفة هناك ودايم تقطع وسواقينهم لسانهم طويل ع البنات واختي لولا المواصلات الي عندهم كان طلعت منها من زمان...
لو تبغي سكن حلو سمعت عن سكن اريج يمدحوا فيه وفي سكن دوبه جديد فاتح ف السلامة اختي تقلي ف نفس الشارع الي فيه سكن التواصل ....وبالتوفيق