نصيحة لطلاب وطالبات السنة التحضيرية

[أُنـثــﮯ مـــلآئـكيـة]

السلام عليكم ورحمة الله وبركاته
مساء الخير جميعا

مبروك قبولكم في الجامعة وان شاء الله تكون سنة حلوة بالنسبة لكم و تعدي على خير ان شاءالله
نزلت جداولكم و الي انبسط والي زعل والي ما اهتم اصلا
والي طفش نصائح, الكل ينصح و يتفلسف عليه وحتى الي ما عندهم خبرة وبس شغالين يفتوا على العالم
هنا بتاخذوا النصيحة من شخص ثقة وينتسب لجامعة المؤسس
استاذ هاني سندي
....

بداية حياتكم الحقيقية من السنة التحضيرية
معدل السنة هذي راح يمشي معاكم الى التخرج و الموزونة حقت السنة هذي راح تحدد تخصصكم المستقبلي وبالتالي حياتكم بعد الجامعة
لا تستهينوا ولا تضيعوا ولا تيأسوا مافي شي مستحيل, كلنا مرينا باللي راح تمروا فيه و قدرنا
كلكم عارفين ان زكاة العلم نشره, في نصائح لازم تحطوها حلقة في اذنكم عشان ما تندموا بعدين وتقولوا ما كنا نعرف وما احد قالنا
كثير كان يتمنى اول ما يخش الجامعة يلاقي الظهر الي يسنده و اليد الي تساعده و العقل الي يوجهه عشان ما يحس نفسه وحيد وضايع ومحتار
كثير طلبة وطالبات فشلوا في تحقيق حلمهم وتخصصهم عشان كانوا منتظرين هذا الشخص ومشي الوقت وراح العمر وطاحت المعدلات وندموا في الاخيير
كثيييير طلبة وطالبات يتمنوا لو يرجع الوقت لورا ويدخلوا الجامعة بكل جدية واصرار وتحدي عشان يثبتوا نفسهم من جديد
اليوم انتوا في وقت كل شيء تبغوه تلاقوه, بس ابحثوا و اسألوا واستغلوا هذا الشيء لصالحكم بدل ما يكون لخراب بيتكم وضياع مستقبلكم ((النت))
....
نصائح للطلبة والطالبات من اول يوم تدخل فيه الجامعة الى اليوم الي تطلع منها وبيدك وثيقة التخرج
نصائحه كلها مكتوبة في هاشتاق #نصيحة_للطالب_الجامعي
الي ماعنده تويتر او ما يبغىى يتعب نفسه ويدور

هنا الرابط اقرأوها من فوق لتحت

https://twitter.com/hanisindi/status/504077533147856896
الله يوفقكم يارب
ممكن برضو تلاقوا نصائح كثير من طلاب الدفعات السابقة في هاشتاق #تحضيري_15