وظيفة معيده + او تقديم ماستر !

[فوف برديسي]

السلام عليكم ..
اول موضوع واول مشاركة ليا اتمتى القا منكم جواب شافي واعذروني لو طولت فالكلام : )
انا متخرجه من جامعة ام القرى بمعدل ( ممتاز مع مرتبة الشرف الاولى ) * ماشاءالله تبارك الله .
ومن قبل ما اتخرج وانا اطمح انقبل في وظيفة المعيده تقدرو تقولو اني اربعه سنوات وانا اشتغل على نفسي تعبت تعبت والله ايام الاختبارات ماكنت انام كلو عشان اتخرج بالمستوى دا واقدم على الاعاده ..
انا خريجة الترم دا ومن يوم استلمت الوثيقه والتوصيات وجهزت السي في حقي واخدت كم دوره لا بأس بها . ومن وقتها وانا كل يوم مداومه على الابتوب اقسام الوظايف في جامعة طيبه والملك عبدالعزيز وام القرى على امل انو يفتحو تقديم وظيفة الاعاده او حتى التقديم ع الماجستير ..
بس للاسف بلا جدوه . كل خوفي انو السنه دي مايفتحو تقديم لانو مؤخراً عرفت التقديم يفتح بس اذا كان فيه وظائف شاغره : (
سؤالي اي احد عندو علم متى ممكن يفتحو التفديم ع الاعاده او الماستر يفيدني وحادعيلو واللله : (
وممكن انو مايفتحو السنه دي ؟ ولا شرط كل سنه تنفتح !!

واخيراً انا ممنونه لكل واحد قري موضوعي ورد ولو بكلمه .