استفسار عن اختبار القرآن الكريم

[بنت العسكري]

انا مع الدكتور الميداني و حضرت معاه في البلاك بورد.. شعبتي 04

مقرر المادة :
حفظ كامل الجزأين 28 و 29 أي:(المجادلة و تبارك) حفظ متقن بالتجووييييييد
و الكتاب المقرر لمعرفة احكام التجويد هو :البرهان في تجويد القرآن لمحمد صادق قمحاوي (كُتيب اصفر صغير)


نجي للاختبار يا عزيزتي :
عبارة عن اختبارين، واحد شفوي (تسميع و استخرجي) عليه 60 درجة و اللي رح تختبرنا الدكتورة اندونسيا حسون و هي اللي رح ترصد الدرجات و لمعرفة مواعيد الاختبار تابعي موقع الجامعة تنزل فيه المواعيد و الاسماء.. و عادة يكون الاختبار الشفهي قبل موعد الاختبارات النهائية باسبوعين او اسبوع

و الجزء الثاني من الاختبار هو اختبار تحريري عليه 40 درجة (عبارة عن اختيار من متعدد و صح و خطا) و يكون موعده مع الاختبارات النهائية تبع الجامعة

هذا الكلام طبعاً للطالبات اللي يختبروا في جدة
أما طالبات المناطق حيكون الشفهي و التحريري في نفس اليوم، و رجاءاً تأكدوا بأنفسكم


و الله وليّ التوفيق