قصيده منقوله للشاعر الجميل (عبدالعزيز الوسمي)

[حارس مرمى مصاب]

ضوضاء خفافيش الكهف المعتم الحالك ...
تخضعني تحت وطأة الخوف

ليكبلني في غياهب التساؤلات المرعبه خارج حدود المألوفــ

هناك في ذلك المستنقع العائم تصعب التكهنات
بما وراء المجهول

وما يقبع ساكناً خلف الأستار الداكنه للقدر

عندما يتوشح الغموض المكان ......

ونخطو إلى الــــلاشــئ ...!!

لأجل شئ أشبه بالسراب

عندها لن نتوقف عن الركض في العدمــ

دون جـــــــدوى ...!!

سهر وقنديلي ظلام وتهت فالذكرى غـــرق ...!!
نهر من الحبر وكلام يسيل في صدر الورق...!!
شهر وأنا آشيل الملام ويبرد الموقد عرق ...!!

تعبت أنبش قبور الذاكره واحـرث لـك ترابـي

عبث واردم لك النسيان في وحل الزمـن مكـره

على ضيم الظلام وقسوة الدمعـه علـى أهدابـي

على شح الجفـاف الـي تسولتـه كـرم قطـره

رغم شوق اللقا تطفـي مواعيـدي مـن أسبابـي

رغـم كثـر الحطـب ماللبـراد فموقـدي دبـره

وحيد ولا معي غيري سوا ذكـرى مـن أحبابـي

غريب ولا له بداره سـوا كِسـرة صـدى ذكـره

سكت مير السكوت أقشر نشف صبره من أعصابي

حكا مير الحكي خانه بكـا طاحـت بـه العبـره

تجـرد شرنقـة صمتـه وصـب شفـاه بكتابـي

يبلل جارد أوراقـه ولـو يسكـب دمـه حبـره

بديت أستنشق الظلمى سهر وأنثـر لـك غيابـي

وأخيط من الضيا لليل ثـوب مـن الفجـر ببـره

مـن الغيـم \ وحطـام أيامنـا تستنفـر عتابـي

على ناسٍ مللت أزعل عليهـم وأحتـرق وأشـره

أنا الي جيتـك وسـوط الحنيـن يعـذب أجنابـي

أنـا المبلـول بأفـواه الأمانـي والأمـل صبـره

أنا طفلٍ تعب يصرخ بكا ( هاتـوا لـي ألعابـي )

كسر كذب المرايا مير صدقه مـا جبـر كسـره

فلت من عقرب الساعـه وفـر الوقـت وأبقابـي

بقايا سلـة الذكـرى وماضـي ضمنـي بأسـره

وأنا بين الضما منـك شكيـت القيـض لأكوابـي

بلع ريق الرجا صوتي وصـرت لغيـري العبـره

ملامح ذابله تغمـر ضفافـي وأرخـي حجابـي

على صهوة أمل متجـود وحظـي حجـر عثـره

أهز من العطش غيمه وتمطـر جـدب بشعابـي

وأشب من القهر موقد تصبب من عـرق جمـره

عزاي إني وقدت الصيف وأحرمت الشتـا ثيابـي

خطاي إني نثرت الصبـح لليـل وهتـك ستـره

شحب لون السما تستوعب الضيقه مـن اسرابـي

ذبل وجه الرصيف يحن تسقـي خطوتـك بكـره

جدار أسرف من الضيق وتعلق في خشـب بابـي

تهالك بعـد مارحـت وزرعـت لغيبتـك بـذره

أنا الفـلاح وشعـوري بـذور ودفتـري ترابـي

زرعت الشعر بأوراقي ولا جيت أقطفـه شهـره