المبنى الثالث بجامعة الملك عبد العزيز انحلال وفساد

[ام عبدالله]

المشاركة الأصلية كتبت بواسطة لزيزا والله اني اقرأ كلامكم و استغرب مو انكار لكن رؤيتكم انه الشؤون ممكن تعدل الأوضاع (( ما اتكلم عن الكل)) معليش المثل يقول اذا كان رب البيت بالدف ضاربا .... فما شيمت اهل البيت الا الرقص و الطربُ افتكر اول ما جيت الجامعه << كرهت نفسي و كنت كل يوم اكلم ماما اعاتبها ليش بس كانت تبين لي محاسن الدنيا المشكله كان حتى مجتمعي على قولتهم عالم وردي جيت الجامعه انوااااع الأشياء الواحد يحس انرمى وسط بحر المهم لا اخرج من الموضوع تاني ترم لي في الجامعه وفي يوم حالته صعبه وبأمان الله رايحه المحاضره جات حقت الأمن لوسمحتي البطاقه .. طيب ليش يا بنت الناس؟ التنوره قصيره ... (( قصيره لانها ما بتمسح الارض فوق حد الجزمه الله يكرمكم ب 4 اصابيع)) المهم جلست اتخدع فيها واحنا وسط الكلام جات طالبه (( لحد يقول كيف عرفت انها طالبه لانها كانت تحضر معايه في وحده من الشعب)) و البنت لابسه التنوره لحد الركبه و سلمت على حق الأمن وعطتها 100 ريال وقالتلها على اساس تغطي عليها وراحت البنت (( بعديييييييييييييين لمن قابلت البنت تاني فهمت ايش معنى تغطي عليها )) فبقول للأمن طيب يعني سلامات البنت مو تنورتها قصيره و لا عشان الـ 100؟؟ راحت بكل مدري ايش اوصفها قالت .. لا دي حبيبتي .. ان تصيري زيها احقق لك كل امانيكي ... الكلام دا بالحرف الواحد ما عمري انساه تعرفوا داكا المثل اللي يقول مثل الاطرش في الزفه وربي كنت كدا (( من جد كنت انسانه غبيه على نياتي )) المهم ما رديت عليها و احنا رايحين لمكتب الشؤون لأني مو راضيه اعطيها البطاقه اتصلت على وحده من اقاربي استشيرها في الموضوع (( ما قد كتبت تعهد في حياتي << الإحساس مرعب .. المهم قريبتي فهمتني معنى الكلام)) وصلنا الشؤون وصلت الكلام اللي انقالي و كل شي (( وياريتني ما سويتها و عطيتها البطاقه و انا ساكته)) انفصلت ترم بحكم اني تعديت على احد منسوبي الجامعه !!!!!!! الخلاصه من الحكايه اللي طفشتكم .... انه قبل تتكلموا عن سلوكيات البنات (( ما بدافع عنهم لانه غلط )) شوفوا سلوكيات الأكبر و المفروض اعقل منهم !! على اقل البنات ما بتروح بسببهم مستقبل احد

يابنت الناس خافي ربك ايش الكلام ذا

انا لي 5 سنوات في الجامعة وماقد شفت في حياتي احد لابس للركبة ؟؟؟؟؟؟؟؟؟؟؟؟؟؟؟؟؟؟؟

سبحان الله في بنات بسهووولة الكذب عندها زي شربة المويه