ليش

[مجتهدة ومستنية النتيجة]

وأنا طفلة كان الطب بالنسبة ليا مجرد جواب ..لمن أحد يسألني:
إيش تبغي تسيري لمن تكبري؟؟
يعني تقدر تقول إني كنت أقوله بلا وعي لشرف هذي المهنة >>يمكن لأنوا الله عز وجل وضع هذي الإجابة في بالي تمهيد لمستقبلي!!
مع الأيام والسنين,,,, هذا الحلم كبر معايا شويا شويا إلين وصلت الثانوي..وفجأة ومن دون أي مقدمات سارت عندي رغبة فضيعة في مساعدة اللي حولي..سرت أساعد أي أحد لدرجة إنوا بعض الناس كانوا يفكروها ((سذاجة مني)),,لكن أنا كنت أبتغي فيها وجه الله تعالى ,وكنت لمن أتعاون مع وحده أحس إني في قمة السعادة..
عرفت ليه أنا أخترت الطب ..
لأنوا من منبر الطب هاذي المهنة الإنسانية ,, حأتمكن إن شاء الله من مد يد العون لكل محتاج
وإيش يدريك ..ممكن في يوم ما..نكون في وفد لأي مؤتمر طبي..ويسألونا إنتوا من فين
ونجيب بكل فخر من مملكة الإنسانية وسفراء من ملك الرحمة والإنسانية